താനെ: ആദ്യമായി മാസമുറ വന്ന പെണ്കുട്ടിയെ അവിഹിതബന്ധം ആരോപിച്ച് സഹോദരന് പൊള്ളിച്ചു കൊലപ്പെടുത്തി. താനേയില് നടന്ന സംഭവത്തില് 12 വയസ്സുള്ള പെണ്കുട്ടിയാണ് മരണമടഞ്ഞത്. പെണ്കുട്ടിയുടെ 30 വയസ്സുള്ള സഹോദരനെ പോലീസ് അറസ്റ്റ് ചെയ്തു.
താനെയിലെ ഉല്ഹാസ് നഗറില് സഹോദരനും ഭാര്യയ്ക്കുമൊപ്പമാണ് പെണ്കുട്ടി താമസിച്ചിരുന്നത്. ഏതാനും ദിവസങ്ങള്ക്ക് മുമ്പാണ് പെണ്കുട്ടിയ്ക്ക് മാസമുറ വന്നത്. രക്തംപോക്ക് സഹോദരന് ശ്രദ്ധിക്കുകയും ചെയ്തു. വസ്ത്രങ്ങളിലും മറ്റും രക്തം കണ്ടെത്തിയതോടെ പെണ്കുട്ടി അവിഹിതബന്ധത്തില് ഏര്പ്പെട്ടോ എന്ന് സഹോദരന് സംശയമായി. സഹോദരിയെ യുവാവ് ചോദ്യം ചെയ്തപ്പോള് മാസമുറയെ സംബന്ധിച്ച് കാര്യമായ അറിവ് ഇല്ലാതിരുന്നതിനാല് പെണ്കുട്ടിയ്ക്ക് വിശദീകരിക്കാനും കഴിഞ്ഞില്ല.
തുടര്ന്ന് സഹോദരന് സഹോദരിയെ ക്രൂരമായി മര്ദ്ദിച്ചു. വായിലും മുതുകിലും ശരീരത്തിന്റെ മറ്റ് ഭാഗങ്ങളിലും ഉപയോഗിച്ച് ഗുരുതരമായി പൊള്ളലേല്പ്പിച്ചു. ഗുരുതരമായി പൊള്ളലേറ്റ പെണ്കുട്ടിയെ ഉല്ഹാസ്നഗറിലെ ആശുപത്രിയില് ചികിത്സയ്ക്ക് കൊണ്ടുപോയെങ്കിലും ഇതിനകം പെണ്കുട്ടി മരണമടഞ്ഞിരുന്നു. തുടര്ന്നായിരുന്നു സഹോദരനെതിരേ കേസെടുത്തത്. പെണ്കുട്ടിയുടെ ശരീരം പോസ്റ്റുമാര്ട്ടത്തിന് അയച്ചിട്ടുണ്ട്.
