കൊച്ചി : എലത്തൂര് ട്രെയിന് തീവയ്പ കേസില് മൊഴി നല്കാനെത്തിയ യുവാവിന്റെ പിതാവ് മരിച്ച നിലയില്. കൊച്ചിയിലെ ഹോട്ടലിലെ ശുചിമുറിയിലാണ് ഡല്ഹി സ്വദേശിയെ തുങ്ങി മരിച്ച നിലയില് കണ്ടത്. ഷഹീന് ബാഗ് സ്വദേശി മുഹമ്മദ് ഷാഫിക്കാണ് മരിച്ചത്. ഇയാളുടെ മകന് മുഹമ്മദ് മോനിസിനെ എന് ഐ എ ഓഫീസില് എത്താനിരിക്കെയാണ് മരണം.
എലത്തൂര് ട്രെയിന് തീ വയ്പ്പ കേസുമായി ബന്ധപ്പെട്ട ഡല്ഹിയില് ഒമ്പത് ഇടങ്ങളില് എന്ഐഎ പരിശോധന നടത്തിയിരുന്നു. പ്രതി ഷാറൂഖ് സെയ്ഫിയുടെ വീട്ടിലും സമീപ സ്ഥലങ്ങളിലുമാണ് പ്രധാനമായും പരിശോധന നടക്കുന്നത്.ചോദ്യം ചെയ്യലില് നിന്നും ഫോണ് രേഖകളില് നിന്നും കിട്ടിയ വിവരങ്ങളുടെ അടിസ്ഥാനത്തിലാണ് പരിശോധന നടത്തിയത് .ആദ്യഘട്ടത്തില്പരിശോധനനടന്നപ്പോള് ഷാറൂഖുമായി അടുപ്പമുള്ളവരെ എന്ഐഎ ചോദ്യം ചെയ്ത് വിട്ടയച്ചിരുന്നു. അന്വേഷണത്തിന്റെ ഭാഗമായി എന്ഐഎ ഇവരില് നിന്നും വിവരങ്ങള് ശേഖരിക്കും. നേരത്തെ കോഴിക്കോടും, കണ്ണൂരും എന്ഐഎ പരിശോധന നടന്നിരുന്നു.
കുറ്റകൃത്യത്തിൽ തീവ്രവാദ ബന്ധമുണ്ടോ, ഷാറൂഖ് സെയ്ഫിക്ക് കൂടുതൽ പേരുടെ സഹായം കിട്ടിയിട്ടുണ്ടോ തുടങ്ങിയ കാര്യങ്ങളാണ് ദേശീയ അന്വേഷണ ഏജൻസി അന്വേഷിക്കുന്നത്. ആക്രമണത്തിന്റെ ആസൂത്രണവും ഗൂഢാലോചനയുമടക്കം എൻഐഎ കൊച്ചി യൂണിറ്റ് അന്വേഷിക്കുന്നത്. എലത്തൂർ ട്രെയിൻ തീവയ്പ്പ് കേസിൽ പ്രതി ഷാരൂഖ് സൈഫിക്കെതിരെ പ്രത്യേക അന്വേഷണ സംഘം യുഎപിഎ ചുമത്തിയതോടെയാണ് എൻഐഎ അന്വേഷണത്തിന് വഴിതുറന്നത്.
