റാഞ്ചി: ഒറ്റത്തവണ അഞ്ചു കുട്ടികളുമായി ജാര്ഖണ്ഡില് അപൂര്വ്വ പ്രസവം. ജാര്ഖണ്ഡ് തലസ്ഥാനമായ റാഞ്ചിയിലെ രാജേന്ദ്ര ഇന്സ്റ്റിറ്റ്യൂട്ട് ഓഫ് മെഡിക്കല് സയന്സിലാണ് പ്രസവം നടന്നത്. അമ്മയും അഞ്ചു കുട്ടികളും സുഖമായിട്ടിരിക്കുന്നു. പൂര്ണ്ണാരോഗ്യത്തോടെയുള്ള കുട്ടികള്ക്ക് പക്ഷേ ഭാരക്കുറവുണ്ട്. കുട്ടികള് നിയോനറ്റല് ഐസിയുവില് നിരീക്ഷണത്തിലാണ്.
ഒരേപോലിരിക്കുന്ന അഞ്ചുകുട്ടികള് ഒറ്റ പ്രസവത്തില് പിറക്കുന്നത് 55 ദശലക്ഷം ജനനങ്ങളില് ഒരു തവണ മാത്രം സംഭവിക്കപ്പെടുന്നതാണെന്നാണ് വൈദ്യശാസ്ത്രം പറയുന്നത്. ഇതിന് മുമ്പ് ഇത്തരത്തില് ഒരു അസാധാര പ്രസവം നടന്നതും കുട്ടികള് ആരോഗ്യത്തോടെ അതിജീവിച്ചതും 1934 ല് ക്യാനഡയിലാണ്. അതേസമയം ഒറ്റപ്രസവത്തില് തന്നെ ഏറ്റവും കൂടുതല് കുട്ടികള് ഉണ്ടായതിന്റെ റെക്കോഡ് ദക്ഷിണാഫ്രിക്കക്കാരിക്കാണ്. 2021 ജൂണില് ഇവരുടെ പ്രസവത്തില് പിറന്നത് ഏഴ് ആണ്കുട്ടികളും മൂന്ന് പെണ്കുട്ടികളും ഉള്പ്പെടെ 10 കുട്ടികളാണയിരുന്നു.
അതിന് മുമ്പ് 2021 മെയ് മാസത്തില് മാലിയില് നിന്നുള്ള 25 കാരി ഹലീമാ സിസ്സേയുടെ ഒറ്റ പ്രസവത്തില് ഒമ്പത് കുട്ടികള് ജനിച്ചിരുന്നു. ഏറ്റവും കൂടുതല് കുട്ടികള് ഉണ്ടായതിന്റെ റെക്കോഡ് സൂയയിലുള്ള റഷ്യന് കര്ഷകന് ഫിയദോര് വാസിലേവിന്റെ ഭാര്യയുടെ പേരിലാണ്. ഇവരുടെ പേര് പുറത്തുവന്നിട്ടില്ല. 69 കുട്ടികളാണ് ഇവര്ക്കുണ്ടായത്. 16 ഇരട്ടകളും ഏഴു മൂന്ന് കുട്ടികളും നാലു നാലുകുട്ടികളും ഇവര്ക്കുണ്ടായി.
