മലയാള സിനിമാപ്രേക്ഷകര്ക്കിടയില് ചെയ്ത കഥാപാത്രങ്ങള് കൊണ്ട് തന്റേതായ ഒരു സ്ഥാനം നേടിയെടുത്ത കലാകാരിയാണ് നവ്യ നായര്. വിവാഹശേഷം സിനിമയില് നിന്ന് ഇടവേളയെടുത്തെങ്കിലും ‘ഒരുത്തീ’ എന്ന സിനിമയിലൂടെ ഒരു വന്തിരിച്ചുവരവ് താരം നടത്തിയിരുന്നു. സോഷ്യല് മീഡിയയില് സജീവമായ താരം എല്ലാ പുതിയ വിശേഷങ്ങളും ഫോട്ടോഷൂട്ട് ചിത്രങ്ങളും അതിലൂടെ ആരാധകരുമായി പങ്കിടാറുണ്ട്. ഇപ്പോഴിതാ തന്റെ പുതിയ ചിത്രങ്ങള് പങ്കുവച്ചിരിക്കുകയാണ് മലയാളികളുടെ പ്രിയ താരം. നീല സാരിയിലുള്ള ചിത്രങ്ങളാണ് താരം പങ്കിട്ടിരിക്കുന്നത്. സാരിയിലെ സ്വര്ണ്ണ നിറത്തിലുള്ള ചെറിയ പ്രിന്റുകളും വരകളും നീല സാരിയ്ക്ക് ഒരു എലഗന്റ് ടച്ച് നല്കുന്നുണ്ട്. എലഗന്റ് സാരിയ്ക്കൊപ്പം നവ്യ ധരിച്ചിരിക്കുന്ന ഓര്ണമെന്റ്സും ശ്രദ്ധിക്കപ്പെടുന്നതാണ്. സെമി പ്രെഷ്യസ് സ്റ്റോണുകളും, പേളും മുത്തും കൊണ്ടലങ്കരിച്ച ഒരു ഹെവി മാലയാണ് താരം ഇതിനൊപ്പം അണിഞ്ഞിരിക്കുന്നത്. ചിത്രം ഇതിനോടകം തന്നെ പ്രേക്ഷകര് ഏറ്റെടുത്ത് കഴിഞ്ഞിരുന്നു.
നവ്യയുടെ ഏറ്റവും പുതിയ ചിത്രം ജാനകി ജാനേ തിയേറ്ററുകളില് മികച്ച പ്രതികരണവുമായി മുന്നേറുകയാണ്. നവ്യയും സൈജു കുറുപ്പുമാണ് ചിത്രത്തില് പ്രധാന വേഷത്തില് എത്തിയിരിക്കുന്നത്.
