കുമാരനല്ലൂര്: അമിതവേഗത്തില് മൂന്നു യുവാക്കള് െബെക്കില് വരുന്നതു കണ്ട് പരാമവധി വെട്ടിച്ചു, പക്ഷേ െബെക്ക് വന്നു പാഞ്ഞുകയറി... കുമാരനല്ലൂരില് െബെക്ക് ലോറിയില് ഇടിച്ചു മൂന്നു പേര് മരിച്ച സംഭവത്തിലെ ലോറിയുടെ ഡ്രൈവര് കുമരകം കണ്ണാടിച്ചാല് സ്വദേശി അനൂപിന്റെ വാക്കുകളാണിത്. സ്ഥിരമായി ഈ റൂട്ടില് മണ്ണുമായി ടോറസ് ലോറിയില് പോകുന്നയാളാണ് അനൂപ്. ഇന്നലെ മറ്റക്കര പാദുവയില് നിന്നു മണ്ണുമായി പുലിക്കുട്ടിശേരി പുത്തന്പാലത്തേയ്ക്കു പോകുകയായിരുന്നു അനൂപ്.
എല്ലാ ദിവസവും സഞ്ചരിക്കുന്ന വഴിയായതിനാല് വളവും തിരിവും കൂഴികള് പോലും തനിക്കു നിശ്ചയമാണെന്ന് അനൂപ് പറഞ്ഞു. ചെറിയ കയറ്റവും വളവുമുള്ള മില്ലേനിയം ഭാഗത്തെത്തുമ്പോള് ലോറി വേഗം കുറച്ചാണു പോയിരുന്നതെന്നു ദൃസാക്ഷികളും പറയുന്നു. വളവു തിരിഞ്ഞെത്തുമ്പോള് എതിര്ദിശയില് നിന്നു മറ്റൊരു െബെക്കിനെയും കാറിനെയും മറികടന്നു െബെക്കില് എത്തുന്ന മൂവര് സംഘത്തെയാണു കാണുന്നത്.
തനിക്കു കഴിയാവുന്ന രീതിയില് ലോറി വെട്ടിച്ചു,സമീപത്തെ ബദാം മരത്തില് ഇടിച്ച് ലോറിയുടെ ഒരു ഭാഗം റോഡില് നിന്നുമിറങ്ങി നിന്നുവെങ്കിലും അപ്പോഴേയ്ക്കും െബെക്ക് ഇടിച്ചുകയറിയിരുന്നു. അപകടം നടന്നു മണിക്കൂറുകള്ക്കു ശേഷവും മൂന്നു ജീവനുകള് കണ്മുന്നില് പൊലിഞ്ഞതിന്റെ ആഘാതം അനൂപില് നിന്നു വിട്ടുമാറിയിട്ടില്ല. പോലീസിനു മൊഴി കൊടുക്കുമ്പോള് പോലും ആഘാതത്തിന്റെ വിറയല് അനൂപില് നിന്നു വിട്ടുമാറിയിരുന്നില്ല.
മില്ലേനിയം ജങ്ഷനില് എല്ലാ ദിവസവും െവെകുന്നേരങ്ങളില് ആള്ക്കൂട്ടമുണ്ടാകുന്നതാണ്, ഇരുചക്രവാഹനങ്ങളും കാണും... പക്ഷേ ഇന്നലെ ആളും വാഹനങ്ങളുമില്ലായിരുന്നു. മറിച്ചായിരുന്നുവെങ്കില് അപകടത്തിന്റെ ആഘാതം വീണ്ടും വര്ധിക്കുമായിരുന്നു. െബെക്ക് യാത്രികരെ രക്ഷിക്കാന് ലോറി വെട്ടിച്ചു മാറ്റിയ ഭാഗത്ത് എല്ലാ ദിവസവും െവെകിട്ട് സമീപത്തെ യുവാക്കള് കൂട്ടംകൂടി നിന്നു സംസാരിക്കാറുണ്ടെന്നു പ്രദേശവാസികള് പറയുന്നു. സമീപത്തെ കടയില് വരുന്നവരും ഇവര്ക്കൊപ്പം കാണും. ഒന്നിലേറെ െബെക്കുകളും സാധാരണ ഇവിടെ പാര്ക്ക് ചെയ്യാറുണ്ട്. ഇന്നലെ ആളുകളും വാഹനങ്ങളും ഒന്നുപോലും ഇവിടെ ഉണ്ടായിരുന്നില്ല.
അപകടത്തെത്തുടര്ന്നു റോഡില് രക്തം ചിതറിത്തെറിച്ച നിലയിലായിരുന്നു. നാട്ടുകാര് പിന്നീട് ഇവിടം മണ്ണിട്ടുമൂടി. അപകടത്തില് ലോറിയ്ക്കു കാര്യമായ തകരാറില്ലെങ്കിലും െബെക്ക് തകര്ന്നു. വളവും കയറ്റവും വരുന്ന ഇവിടെ വാഹന അപകടങ്ങള് പതിവാണെന്നും വേഗ നിയന്ത്രണ സംവിധാനങ്ങള് വേണമെന്നൂം നാട്ടുകാര് ആവശ്യപ്പെട്ടു.
കോഴിയെ ഡ്രസ് ചെയ്യുന്നതിനിടെ വന് ശബ്ദം കേട്ട് കടയുടെ മുന്നിലേക്ക് ഓടിയെത്തിയ സജി കാണുന്നത് മൂന്നു യുവാക്കള് റോഡില് പിടയുന്ന നടുക്കുന്ന ദൃശ്യം. കൊച്ചാലുംമൂട് മില്ലേനിയം ജങ്ഷനില് ഇറച്ചിക്കോഴി നടത്തുന്ന സജി ഇന്നലെ െവെകിട്ടും പതിവുപോലെ തിരക്കിലായിരുന്നു.
ഇതിനിടയിലാണു ശബ്ദം കേള്ക്കുന്നതും ഓടിയെത്തുന്നതും. സാധാരണ അപകടമായിരിക്കുമെന്ന രീതിയില് എത്തുമ്പോള് കാണുന്നതു നടുറോഡില് മൂന്നു യുവാക്കള് പിടയുന്ന ദൃശ്യമാണ്. രണ്ടാമതൊന്നു നോക്കാന് പോലും കഴിയാതെ സജി കണ്ണുകള് തിരിച്ചു. ഉടന് തന്നെ ഓടിക്കൂടിയ നാട്ടുകാര് മൂവരെയും മെഡിക്കല് കോളജ് ആശുപത്രിയിലേക്കു കൊണ്ടുപോയെങ്കിലും ജീവന് രക്ഷിക്കാനായില്ല.
