മുഖ്യമന്ത്രിയുടെ ദുരിതാശ്വാസനിധി ദുരുപയോഗം നടത്തിയ കേസില് ലോകായുക്ത ഉത്തരവില് ഇടപെടാന് വിസമ്മതിച്ച് ഹൈക്കോടതി. കേസിലെ പരാതിക്കാരനായ ആര്.എസ് ശശികുമാറാണ് ലോകായുക്ത തീരുമാനത്തിനെതിരെ ഹൈക്കോടതിയെ സമീപിച്ചത്. ചീഫ് ജസ്റ്റിസ് എസ് വി ഭാട്ടി അധ്യക്ഷനായ ബെഞ്ചാണ് ലോകായുക്ത ഉത്തരവില് ഇടപെടാന് വിസമ്മതിച്ചത്. ജൂണ് ആറിനാണ് ലോകായുക്തയുടെ വിശാല ബെഞ്ച് കേസ് പരിഗണിക്കുന്നത്. കേസ് നിലനില്ക്കുമോ എന്ന കാര്യത്തില് തന്നെ രണ്ടഭിപ്രായമുണ്ടെന്ന് അടക്കം വ്യക്തമാക്കിയാണ് ലോകായുക്ത രണ്ടംഗ ബെഞ്ച് കേസ് മൂന്നംഗ ബെഞ്ചിന് വിട്ടത്. ഇതിനെതിരെയാണ് ആര് ശശികുമാര് ഹൈക്കോടതിയെ സമീപിച്ചത്.
ദുരിതാശ്വാസ നിധി ദുരുപയോഗം ചെയ്തു എന്ന് ചൂണ്ടിക്കാട്ടി മുഖ്യമന്ത്രി പിണറായി വിജയനും ഒന്നാം പിണറായി സര്ക്കാരിലെ 18 മന്ത്രിമാര്ക്കുമെതിരെയായിരുന്നു പരാതി നല്കിയിരുന്നത്.
