തൊടുപുഴ: അയല്വാസി നടത്തിയ നിര്മ്മാണ പ്രവൃത്തിമൂലം സ്വന്തം വീട്ടില് കിടന്നുറങ്ങാനാവാതെ ഒരു കുടുംബം. കോതായിക്കുന്നില് താമസിക്കുന്ന ചീനിത്തൊട്ടിയില് സി.എസ്. ഹുെസെനും കുടുംബവുമാണ് ദുരിതത്തിലായത്. കെ.എസ്.ആര്.ടി.സി ജംഗ്ഷനില് നിന്നും കോതായിക്കുന്ന് നഗരസഭാ ബസ് സ്റ്റാന്ഡിലേക്കുള്ള െബെപാസിനരികിലെ കുന്നിന്ചെരിവിലാണ് ഹുെസെനും ഭാര്യയും നഴ്സിങ്, ഡിഗ്രി, പത്താം ക്ലാസ് എന്നിങ്ങനെ പഠിക്കുന്ന വിദ്യാര്ഥികളായ മൂന്ന് മക്കളും താമസിക്കുന്ന വീട്.
ഏതാനും മാസങ്ങള് മുമ്പാണ് ഹുെസെന്റെ വീടിന് താഴെ ഭാഗത്തുള്ള അയല്വാസിയുടെ ഭൂമിയില് നിര്മ്മാണം ആരംഭിച്ചത്. ഇതിനായി ഹുെസെന്റെ വീടിനോട് ചേര്ന്നുള്ള ഭാഗംവരെ മണ്ണെടുപ്പ് നടത്തി. ഇത് മൂലം വീട് ഒരു മണ്തിട്ടയുടെ മുകളിലായ അവസ്ഥയിലായി. ഈ ഭാഗം ഏതുനിമിഷവും ഇടിഞ്ഞ് വീടുള്പ്പെടെ താഴേയ്ക്ക് പതിക്കാവുന്ന സാഹചര്യത്തിലാണെന്ന് ഹുെസെന് പറഞ്ഞു. 20 ലക്ഷത്തോളം രൂപാ വായ്പയെടുത്താണ് ഹുെസെന് ഈ വീട് പണിതീര്ത്തത്. ഇതിന്റെ വായ്പ അടച്ചുതുടങ്ങിയതേയുള്ളൂ.
ഇപ്പോഴത്തെ സാഹചര്യത്തില് വീട് വില്ക്കാനും താമസിക്കാനും പറ്റാത്ത അവസ്ഥയിലാണ്. ജോലി സമ്പാദിച്ച് വീടിന്റെ കടം വീട്ടണമെന്ന ആഗ്രഹമായിരുന്നു തങ്ങള്ക്കെന്നും എന്നാലിപ്പോള് ഈ വീട്ടില് താമസിക്കാന് ഭയമാണെന്നും ഇവിടിരുന്ന് പഠിക്കാന് പോലും സാധിക്കുന്നില്ലെന്നും വിദ്യാര്ഥികളായ മക്കള് പറഞ്ഞു. അയല്വാസി മുന്ധാരണകള് തെറ്റിച്ച് നടത്തിയ നിര്മ്മാണമാണ് ഹുെസെന്റേയും കുടുംബത്തിന്റേയും ഇപ്പോഴത്തെ ദുരവസ്ഥക്ക് കാരണമെന്ന് സ്ഥലത്തെത്തിയ സാമൂഹിക പ്രവര്ത്തകര് പറഞ്ഞു.
മാസങ്ങള്ക്ക് മുമ്പ് നിര്മ്മാണം ആരംഭിച്ചപ്പോള്ത്തന്നെ ഹുെസെന്റെ വീടിന് 10 അടി ദൂരത്തില് മാത്രമേ മണ്ണെടുക്കൂ എന്ന് അയല്വാസി പറഞ്ഞിരുന്നതാണ്. എന്നാല് ഹുെസെന്റെ വീടിന് സമീപത്ത് വലിയ ഷീറ്റ് കൊണ്ട് മറയുണ്ടാക്കി കാഴ്ചമറച്ച ശേഷമായിരുന്നു നിര്മ്മാണമെന്നും സാമൂഹികപ്രവര്ത്തകനായ വിന്സന്റ് വള്ളിയില് പറഞ്ഞു. വിദേശത്തായിരുന്ന ഹുെസെന് അടുത്ത കാലത്താണ് നാട്ടില് മടങ്ങിയെത്തിയത്. ശാരീരിക പ്രശ്നങ്ങള് മൂലം പിന്നീട് ജോലി സ്ഥലത്തേക്ക് മടങ്ങിപ്പോകാനായിരുന്നില്ല.
നിലവില് വീടിന് സമീപത്ത് തന്നെയുള്ള പച്ചക്കറി വ്യാപാര സ്ഥാപനത്തില് ജോലിചെയ്താണ് കുടുംബം പുലര്ത്തുന്നത്. ഇതിനിടെയാണ് വായ്പയെടുത്ത് നിര്മ്മിച്ച വീടും അപകടാവസ്ഥയിലായത്. സുരക്ഷിതമല്ലാത്തതിനാല് അയല്വാസിയുടെ പുരയിടത്തിലെ നിര്മാണ സാമഗ്രികള് സൂക്ഷിക്കുന്ന താല്ക്കാലിക ഷെഡിലാണ് ഹുെസെനും കുടുംബവും അന്തിയുറങ്ങുന്നത്. സംഭവത്തില് തങ്ങള്ക്ക് നീതി ലഭിക്കണമെന്നാവശ്യപ്പെട്ട് ഹുെസെനും കുടുംബവും തൊടുപുഴ പോലീസ് സര്ക്കിള് ഇന്സ്പെക്ടര്ക്ക് പരാതി നല്കിയിട്ടുണ്ട്.
