തിരഞ്ഞെടുപ്പിന് വെറും 30 സെക്കന്റിനുള്ളില് വോട്ട് ചെയ്ത് ആ തിരഞ്ഞെടുപ്പ് പ്രക്രിയ പൂര്ത്തിയാക്കി റെക്കോര്ഡ് നേടിയൊരു സ്ഥലത്തെ കുറിച്ച് കേിട്ടുണ്ടോ? സ്പാനിഷിലെ വില്ലറോയ എന്ന ഗ്രാമത്തിലാണ് വെറും 29. 52 സെക്കന്റുകള് കൊണ്ട് എല്ലാവരും വോട്ട് ചെയ്തത്.
അര മിനിട്ടിനുള്ളില് എങ്ങനെ വോട്ട് ചെയ്തു തീര്ത്തു എന്ന് എല്ലാവരും അതിശയിയ്ക്കും. ഇതെങ്ങനെ സംഭവിച്ചു എന്ന് പലരും ചിന്തിയ്ക്കും. കാരണം ആ ഗ്രാമത്തില് വോട്ട് ചെയ്യാന് ആകെ ഉള്ളത് ഏഴുപേരാണ്. ചുരുങ്ങിയ സമയം കൊണ്ട് വോട്ടിംഗ് പ്രക്രിയ പൂര്ത്തിയാക്കിയ റെക്കോര്ഡ് നേടിയ സന്തോഷത്തിലാണ് വില്ലറോയ ഗ്രാമം.
റിപ്പോര്ട്ടുകള് പ്രകാരം 2019 -ല് വില്ലറോയ ഗ്രാണത്തില് എട്ട് വോട്ടര്മാരാണ് ഉണ്ടായിരുന്നത്. ആ സമയത്ത് തിരഞ്ഞെടുപ്പ് പ്രക്രിയ പൂര്ത്തിയാക്കാന് 32.25 സെക്കന്ഡ് എടുത്തു. ആ റെക്കോര്ഡ് തകര്ത്താണ് ഇപ്പോള് ഏഴ് വോട്ടര്മാരായപ്പോള് 29.52 സെക്കന്റ് കൊണ്ട് വോട്ട് ചെയ്ത് പൂര്ത്തിയാക്കിയിരിക്കുന്നത്.
തിരഞ്ഞെടുപ്പ് ദിവസം ഞായറാഴ്ച തിരിച്ചറിയല് കാര്ഡും, രേഖകളും സഹിതം പോളിംഗ് സ്റ്റേഷനില് എല്ലാവരും എത്തി ചേര്ന്നു. രാവിലെ ഒമ്പത് മണിക്ക് വോട്ടെടുപ്പ് ആരംഭിച്ചയുടന് തന്നെ, ഏതാനും നിമിഷങ്ങള്ക്കുള്ളില് ആളുകള് വോട്ട് ചെയ്ത് പൂര്ത്തിയാക്കി.
