ന്യൂഡല്ഹി: ഗുസ്തി ഫെഡറേഷന് തലവനെതിരേ ഗുസ്തിതാരങ്ങള് സമരം ശക്തമാക്കാന് ഒരുങ്ങുമ്പോള് ബ്രിജ് ഭൂഷണ് സിംഗിനെതിരേ ലൈംഗിക പീഡനവുമായി ബന്ധപ്പെട്ട് വനിതാതാരങ്ങളുടെ 10 പരാതികളില് കേസെടുത്തിട്ടുണ്ടെന്ന് ഡല്ഹി പോലീസ്. കോണോട്ട് പ്ളേസ് പോലീസ് സ്റ്റേഷനിലാണ് പരാതികള് കിട്ടിയിരിക്കുന്നതും കേസ് എടുത്തിരിക്കുന്നതും.
നേരിട്ട് ലൈംഗികത ആവശ്യപ്പെട്ടെന്ന് രണ്ടു പരാതികളുണ്ട്. 10 പരാതികള് മാനഭംഗശ്രമം നടത്തിയതിനാണ്. രൂക്ഷമായ ആരോപണമാണ് താരങ്ങള് നടത്തിയിട്ടുള്ളത്. ലൈംഗിക ചോദന വെച്ചുള്ള മോശമായ രീതിയിലുള്ള സ്പര്ശനം, പെണ്കുട്ടികളുടെ മാറിടത്തില് സ്പര്ശിക്കുക, നെഞ്ചില് നിന്നും പിന്ഭാഗം വരെ കൈ നിരക്കുക തുടങ്ങിയ കാര്യങ്ങളാണ് ആക്ഷേപത്തിലുള്ളത്.
ഒരു റെസ്റ്റോറന്റിന്റെ ഹോട്ടലില് വെച്ച് ഡിന്നറിയിനിടയില് ഗുസ്തി ഫെഡറേഷന് തലവന് മോശമായ രീതിയില് തന്റെ ശരീരത്ത് സ്പര്ശിച്ചെന്നാണ് ഒരു താരത്തിന്റെ പരാതി. സിംഗ് തന്റെ തോളിലും കാല്മുട്ടിലും ഉള്ളംകയ്യിലും തൊട്ടെന്നും അതിന് ശേഷം മാറിടത്തിലും വയറ്റിലും തൊട്ടതായും പറയുന്നു. ശ്വാസഗതി മനസ്സലാക്കാന് എന്ന് പറഞ്ഞാണ് ഇത് ചെയ്തിരുന്നതെന്നും ആരോപിച്ചു.
മറ്റൊരു പരാതിയില് വനിതാഗുസ്തി താരത്തിന്റെ മാറിടം സ്വന്തം കയ്യാല് സ്പര്ശിക്കും വിധം താരത്തെ ബ്രിജ്ഭൂഷന് സിംഗ് ടി ഷര്ട്ടില് പിടിച്ചു വലിച്ചെന്നും തന്റെ ശരീരത്തിലേക്ക് താരത്തെ ബലമായി പിടിച്ചു വലിച്ചിട്ടെന്നും പറയുന്നു. ഒരു താരത്തെ ലൈംഗിക ചോദനയോടെ കെട്ടിപ്പിടിക്കുകയും പണം വാഗ്ദാനം ചെയ്യുകയും ചെയ്തതായി ഗുസ്തി തലവനെതിരേ വേറൊരാളുടേയും ആരോപണമുണ്ട്.
ശ്വാസോച്ഛ്വാസം പരിശോധിക്കാന് തന്റെ വയറ്റില് പിടിച്ചതായി മറ്റൊരു ഗുസ്തി താരം കൂടി ബ്രിജ് ഭൂഷന് ശരണ്സിംഗിനെതിരേ പരാതി നല്കിയിട്ടുണ്ട്. ലൈന് സമീപം നില്ക്കുമ്പോള് ഗുസ്തി തലവന് മോശമായി സ്പര്ശിച്ചെന്നാണ് വേറൊരു താരത്തിന്റെ പരാതി. തന്റെ തോളില് കയ്യിട്ടപ്പോള് താന് നിഷേധിച്ചെന്നാണ് ഒരു താരം നല്കിയിരിക്കുന്ന പരാതിയിലുള്ളത്.
ഗുസ്തി ഫെഡറേഷന് തലവനെതിരേ ഏപ്രില് 21 ന് പരാതി റജിസ്റ്റര് ചെയ്തതായും എപ്രില് 28 ന് കേസെടുക്കുകയും ചെയ്തതായി പോലീസ് പറഞ്ഞു. ഒളിമ്പ്യന്മാര് നല്കിയ പരാതിയിലാണ് ആദ്യ ആറ് കേസുകള്. രണ്ടാമത്തേത് പ്രായപൂര്ത്തിയാകാത്ത കുട്ടിയുടെ പിതാവ് നല്കിയതാണ്. ഒരു ചിത്രം എടുക്കാന് നേരത്തേ് തന്നെ കെട്ടിപ്പിടിച്ചു നിന്നെന്നാണ് പ്രായപൂര്ത്തിയാകാത്ത പെണ്കുട്ടിയുടെ പരാതി. തന്നെ ഗുസ്തി തലവന് പിന്തുടരുതെന്നും പരാതിയില് പറഞ്ഞിട്ടുണ്ട്.
