കണ്ണൂര്: ആരോപണ മുന ഉയരുന്നതുവരെ െകെമെയ് മറന്ന് സംരക്ഷിക്കുകയും ആരോപണം നേരിടുന്ന മാത്രയില് ബന്ധമില്ലെന്ന് ആണയിടുകയും ചെയ്യുന്ന സി.പി.എം. തന്ത്രത്തിന്റെ ഏറ്റവും ഒടുവിലത്തെ ഉദാഹരണമായി കെ. വിദ്യയെന്ന എസ്.എഫ്.ഐ. നേതാവ്. വ്യാജ രേഖ ചമച്ച് കോളജ് അധ്യാപികയായ വിദ്യ െസെബര് ഇടങ്ങളിലടക്കം പേരാളിയായിരുന്നു. സി.പി.എം. നേതൃത്വത്തിന്റെ പിന്തുണയും ആവോളം ലഭിച്ചു. വ്യാജ രേഖാ വിവാദം പുറത്തുവന്നതോടെ വിദ്യയെ നിഷ്ക്കരുണം തള്ളിയാണ് സി.പി.എം. നേതൃത്വം രംഗത്തെത്തിയത്. വിവാദം തണുക്കുന്നതോടെ വീണ്ടും ഏറ്റെടുക്കുകയെന്ന സമീപനമാണ് മുന്കാലങ്ങളിലെല്ലാം പ്രകടമായതെന്നും ചൂണ്ടികാണിക്കപ്പെടുന്നു.
പാര്ട്ടി ഗ്രാമത്തിലെ സജീവ സാന്നിദ്ധ്യമായിരുന്നവര് സ്വര്ണ്ണക്കള്ളക്കടത്തിലേക്കും ക്വട്ടേഷന് പ്രവര്ത്തനങ്ങളിലേക്കും വഴിമാറി പോയപ്പോഴും പാര്ട്ടി നേതൃത്വം കണ്ടില്ലെന്ന് നടിച്ചു. ഒടുവില് കള്ളക്കടത്തും ആക്രമങ്ങളും ഒളിച്ചുവയ്ക്കാനാവാത്ത വിധം പരസ്യമായതോടെ നേതൃത്വം യുവ നേതാക്കളെ നിഷ്ക്കരുണം തള്ളി രംഗത്തെത്തി. നേതൃത്വത്തിന് വെല്ലുവിളി ഉയര്ത്തി ഫെയ്സ്ബുക്ക് പോസ്റ്റിലൂടെ രംഗത്തെത്തിയവരെയാകട്ടെ കേസുകള് ചുമത്തി ജയിലിലുമടച്ചു.
എതിരാളികളെ വകവരുത്തുന്നതില് പ്രാഗല്ഭ്യം തെളിയിച്ച കൊടും ക്രിമിനലുകള്ക്കും സംരക്ഷണമേകി വിലസാന് അവസരം നല്കിയത് പാര്ട്ടി നേതൃത്വത്തിന്റെ അറിവോടെയാണെങ്കിലും പിടിക്കപ്പെടുമ്പോള് നേതൃത്വം െകെകഴുകുന്നതും കണ്ണൂര് രാഷ്ട്രീയത്തില് പതിവു കാഴ്ചയാണ്. കൊടി സുനി അടക്കമുള്ള ഗുണ്ടാ നേതാക്കളുടെ വളര്ച്ച പാര്ട്ടി കൊടിക്കുകീഴിലായിരുന്നെങ്കിലും പരസ്യമായി പാര്ട്ടി നേതൃത്വം സുനിയെ ഒപ്പം നിര്ത്താറില്ല. ജയിലിലടച്ചാലും ക്വട്ടേഷന് പ്രവര്ത്തനം ഏകോപിപ്പിക്കാന് സുനിക്ക് അവസരം ലഭിക്കുന്നത് രഹസ്യമായ പിന്തുണയാലാണെന്നാണ് വിമര്ശനം.
മഹാരാജാസ് കോളജിന്റെ പേരില് വ്യാജ സാക്ഷ്യപത്രമുണ്ടാക്കി കോളജുകളില് അധ്യാപികയായി ജോലി ചെയ്ത കെ. വിദ്യ, എസ്.എഫ്.ഐ. നേതാവായിരുന്നെങ്കിലും വിവാദത്തില് അകപ്പെട്ടതോടെ സി.പി.എം. നേതൃത്വം സമാന രീതിയില് തള്ളി. വ്യാജ രേഖ ചമയ്ക്കാനും കോളജുകളില് ജോലി തരപ്പെടുത്താനും പിന്നണിയില് വലിയ പിന്തുണ ലഭിച്ചിരുന്നുവെന്നാണ് വ്യക്തമാകുന്നത്. എന്നാല്, ആരെങ്കിലും എസ്.എഫ്.ഐയില് ചേര്ന്നാല് നേതാവായി മാറുമോയെന്ന ചോദ്യത്തിലൂടെയാണ് സി.പി.എം. കേന്ദ്ര കമ്മിറ്റി അംഗം ഇ.പി. ജയരാജന് വിദ്യയെ തള്ളിയത്. 'എന്നാലും എന്റെ വിദ്യേ...' എന്ന ഒറ്റവരി പോസ്റ്റിട്ട് ഏതു തരത്തിലുള്ള വ്യഖ്യാനത്തിനും ആദ്യ ഘട്ടത്തില് അവസരം നല്കിയ മറ്റൊരു കേന്ദ്ര കമ്മിറ്റി അംഗം പി.കെ. ശ്രീമതിയുമായും വിദ്യ അടുത്ത ബന്ധം പുലര്ത്തിയിരുന്നു.
പെസഹ വ്യാഴമെന്ന പൊതു അവധി ദിനത്തില് തയാറാക്കിയ എക്സ്പീരിയന്സ് സര്ട്ടിഫിക്കറ്റിന്റെ മാത്രം ബലത്തില് കാസര്ഗോഡ് കരിന്തളം ഗവ. കോളജില് വിദ്യക്ക് നിയമനം ലഭിച്ചതെങ്ങനെയെന്ന ചോദ്യത്തിനും ഉത്തരമില്ല. കഴിഞ്ഞ മാസം നടന്ന ലിറ്ററേച്ചര് ഫെസ്റ്റിവലില് തൃക്കരിപ്പൂര് ടൗണ് മേഖല ഡി.െവെ.എഫ്. ഐ പ്രതിനിധിയായാണ് വിദ്യ പങ്കെടുത്തത്. വിദ്യ പയ്യന്നൂര് കോളജില് എസ്.എഫ്.ഐ. പ്രവര്ത്തകയായിരുന്നുവെന്ന് സി.പി.എം. നേതാവും പയ്യന്നൂര് എം.എല്.എയുമായ ടി. മധുസൂധനന് സോഷ്യല്മീഡിയാ പോസ്റ്റില് സാക്ഷ്യപ്പെടുത്തുന്നുമുണ്ട്.
