ഓവല് : ലോക ടെസ്റ്റ് ചാമ്പ്യന്ഷിപ്പില് ഫൈനലില് പൊരുതി വീണു ടീം ഇന്ത്യ . 444 റൺസ് വിജയ ലക്ഷ്യം പിന്തുടർന്ന ഇന്ത്യ രണ്ടാം ഇന്നിങ്സിൽ 234 റൺസെടുത്തു പുറത്തായി. സ്കോര്: ഓസ്ട്രേലിയ- 469 & 270/8 d, ഇന്ത്യ- 296 & 234 (63.3).
തുടര്ച്ചായായി രണ്ടാം തവണയാണ് ഇന്ത്യ ലോക ടെസ്റ്റ് ചാംപ്യൻഷിപ്പ് ഫൈനലിൽ തോൽക്കുന്നത്. 2021 ഫൈനലില് ന്യൂസീലൻഡ് എട്ടു വിക്കറ്റുകൾക്കള്ക്ക് ഇന്ത്യയെ തോല്പ്പിച്ചിരുന്നു. ഇന്ത്യയെ 209 റൺസിന് തകർത്ത ഓസ്ട്രേലിയ ഇതോടെ എല്ലാ ഐസിസി കിരീടങ്ങളും നേടുന്ന ആദ്യ ടീമായി മാറി.
ഓസ്ട്രേലിയ മുന്നോട്ടുവെച്ച 444 റണ്സ് വിജയലക്ഷ്യം പിന്തുടര്ന്ന ടീം ഇന്ത്യ 40 ഓവറില് 164-3 എന്ന നിലയിലാണ് അഞ്ചാം ദിനം ബാറ്റിംഗിന് ഇറങ്ങിയത്. 60 പന്തില് 44 റണ്സുമായി വിരാട് കോലിയും 59 ബോളില് 20 റണ്സുമായി അജിങ്ക്യ രഹാനെയുമായിരുന്നു ക്രീസില്. ഓപ്പണര്മാരായ ശുഭ്മാന് ഗില്(19 പന്തില് 18), രോഹിത് ശര്മ്മ(60 പന്തില് 43), മൂന്നാമന് ചേതേശ്വര് പൂജാര(47 പന്തില് 27) എന്നിവരുടെ വിക്കറ്റ് ഇന്ത്യക്ക് നാലാം ദിനം നഷ്ടമായിരുന്നു.
അഞ്ചാം ദിനം ഇന്നിംഗ്സ് പുനരാരംഭിച്ച വൈകാതെ തന്നെ കോലിയെയും ജഡേജയും (0) ഒരു ഓവറിൽ പുറത്തയായിതോടെ ഇന്ത്യൻ വിജയ പ്രതീക്ഷയക്ക് ആസ്തമിച്ചു. 86 റൺസിൻ്റെ കൂട്ടുകെട്ടിനൊടുവിലാണ് കോലി മടങ്ങിയത്. താരത്തെ സ്ലിപ്പിൽ സ്റ്റീവ് സ്മിത്ത് തകർപ്പൻ ക്യാച്ചിലൂടെ മടക്കി അയക്കുകയായിരുന്നു. ജഡേജയെ അലക്സ് കാരി പിടികൂടി. പിന്നീട് ഇന്ത്യക്ക് തുടരെ വിക്കറ്റുകൾ നഷ്ടമായി.
രണ്ടാം ഇന്നിങ്സില് ഓസ്ട്രേലിയ എട്ട് വിക്കറ്റ് നഷ്ടത്തില് 270 റണ്സ് നേടി ഇന്നിങ്സ് ഡിക്ലയര് ചെയ്തു. 66 റണ്സെടുത്തു പുറത്താകാതെ നിന്ന അലക്സ് കാരിയാണ് ടോപ് സ്കോറര്. ഒന്നാം ഇന്നിങ്സില് ഓസ്ട്രേലിയ 469ന് പുറത്തായപ്പോള് ഇന്ത്യയുടെ പോരാട്ടം 296 റണ്സില് അവസാനിച്ചു
