കാസര്ഗോഡ് : കുമ്പളയില് പ്രവാസിയുടെ വീട്ടീല് കവര്ച്ച. സ്വര്ണാഭരണങ്ങളും പണവും കവര്ന്ന കളളന്മാര് മുറ്റത്ത് നിര്ത്തിയിട്ടിരുന്ന സ്വിഫ്റ്റ് കാറും മോഷ്ടിച്ചതാണ് പരാതി. കുമ്പള ഉജാര് കൊടിയമ്മയിലെ അബൂബക്കറിന്റെ വീട്ടില് ചൊവ്വാഴ്ച രാത്രിയാണ് മോഷണം നടന്നത്.
കിടപ്പുമുറിയില് സൂക്ഷിച്ചിരുന്ന 10 പവന് സ്വര്ണവും കാല്ലക്ഷം രൂപയും കവര്ന്നു. ശേഷം വീട്ടുമുറ്റത്ത് നിര്ത്തിയിട്ടിരുന്ന സ്വിഫ്റ്റ് കാറും കളളന്മാര് കൊണ്ടു പോവുകയായിരുന്നു.
അബൂബക്കറിന്റെ ഭാര്യയും മക്കളും മാത്രമാണ് വീട്ടില് ഉണ്ടായിരുന്നത്. രാവിലെ എഴുന്നേറ്റപ്പോള് മാത്രമാണ് ഇവര് മോഷണ വിവരം അറിയുന്നത്. വീടിന്റെ വാതിലോ മറ്റോ തകര്ത്തതായി കണ്ടെത്തിയിട്ടില്ല.
മോഷ്ടാക്കള് നേരത്തെ തന്നെ വീട്ടിനകത്ത് കയറി ഒളിച്ചിരുന്ന് കൃത്യം നടത്തിയതാണ് സംശയിക്കുന്നത്. കുമ്പള പോലീസും വിരലടയാള വിദഗ്ധരും ,ഡോഗ് സ്ക്വഡും സ്ഥലത്തെത്തി പരിശോധന നടത്തി. സമീപത്തെ സിസിടിവികള് ദൃശങ്ങള് അടക്കം പോലീസ് പരിശോധിക്കുന്നുണ്ട്.
