ഐപിഎല്ലില് മലയാളിതാരം സഞ്ജുസാംസണിന് കീഴില് ഉജ്വല ഉയര്ത്തെഴുന്നേല്പ്പാണ് രാജസ്ഥാന് റോയല്സ് നടത്തിയത്. 2021 സീസണില് ഫൈനല് കളിച്ച അവര്ക്ക് കഴിഞ്ഞ സീസണില് പ്ളേ ഓഫില് എത്താന് കഴിഞ്ഞില്ലെങ്കിലും മെച്ചപ്പെട്ട പ്രകടനം നടത്തിയ ടീമുകളുടെ പട്ടികയില് എത്താന് കഴിഞ്ഞിരുന്നു. അടുത്ത സീസണിലേക്കും ടീം നോട്ടമിട്ടിട്ടുളള ഒരു താരമുണ്ട്.
2018 മുതല് ടീമിന്റെ ഭാഗമായ താരം 71 മത്സരങ്ങളാണ് ആര് ആറിന് വേണ്ടി കളിച്ചത്. അഞ്ചു സെഞ്ച്വറികളും 18 അര്ദ്ധശതകങ്ങളുമാണ് അടിച്ചുകൂട്ടിയത്. ഈ സീസണിലും താരത്തെ വിടാന് ഒരുക്കമല്ലാത്ത ഫ്രാഞ്ചൈസി താരവുമായി നാലുവര്ഷം നീളുന്ന ഒരു ദൈര്ഘ്യമേറിയ കരാറിനാണ് ആലോചിക്കുന്നതെന്നാണ് വിദേശ മാധ്യമങ്ങള് പറയുന്നത്. കരാറിലെ തുകയെക്കുറിച്ചുള്ള വിവരം വ്യക്തമല്ല. ഇംഗ്ളണ്ടിന്റെ വൈറ്റ്ബോള് ടീമിന്റെ നായകന് ജോസ് ബട്ളറെയാണ് എങ്ങിനെ വിടാതിരിക്കാം എന്ന് രാജസ്ഥാന് റോയല്സ് ആലോചിക്കുന്നത്. അതേസമയം ഓഫര് രാജസ്ഥാന് താരത്തിന്റെ ടേബിളില് വെച്ചിട്ടേയുള്ളു. എന്നാല് താരം ഇത് സ്വീകരിക്കുമോ എന്ന് വ്യക്തമല്ല.
ഐപിഎല്ലില് രാജസ്ഥാന്റെ റണ്മെഷീനായി മാറിയ താരം രാജസ്ഥാന് റോയല്സിന്റെ ദക്ഷിണാഫ്രിക്കന് ടി20 ലീഗിലെ പാള് റോയല്സിനും കരീബിയന് പ്രീമിയര് ലീഗില് ബാര്ബഡോസ് റോയല്സിനും കളിക്കുന്നുണ്ട്. അതേസമയം നിര്ണ്ണായക താരങ്ങളുമായി സുദീര്ഘമായ കരാറില് ഏര്പ്പെടുന്നത് ദേശീയ ടീമിന് വലിയ പ്രതിസന്ധിയായി മാറാന് സാഹചര്യമുണ്ട്.
കഴിഞ്ഞ മാസം ഐപിഎല്ലിലെ അഞ്ചു തവണ ചാംപ്യന്മാരായ മുംബൈ ഇന്ത്യന്സ് ഇംഗ്ളീഷ് ബൗളര് ജോഫ്രെ ചോസറുമായി ദീര്ഘകാല കരാറിന് ശ്രമിച്ചിരുന്നു. കഴിഞ്ഞ സീസണില് എട്ടു കോടി രൂപയ്ക്ക് എടുത്ത താരത്തിന് പക്ഷേ ആകെ കളിക്കാനായത് അഞ്ചു കളികളിലാണ്. പരിക്കേറ്റ് താരം പുറത്താകുകയായിരുന്നു.
