മലയാള സിനിമാപ്രേക്ഷകരുടെ പ്രിയ അവതാരകയും നര്ത്തകിയും അഭിനേത്രിയുമാണ് ശില്പ്പ ബാല. വ്ലോഗര് എന്ന നിലയിലും ശില്പ തിളങ്ങാറുണ്ട്. അടുത്തിടെ ശില്പയും ഭര്ത്താവ് വിഷ്ണുവും ചേര്ന്ന് ചെയ്ത കുറച്ച് ഡാൻസ് വീഡിയോകള് സോഷ്യല് മീഡിയയില് ഹിറ്റായി. താരം മകള് യാമികയോട് സാനിറ്ററി നാപ്കിൻ എന്താണെന്നു പറഞ്ഞു കൊടുക്കുന്ന വീഡിയോയും ആളുകളുടെ കൈയ്യടി നേടി. ഭര്ത്താവായ ഡോ. വിഷ്ണു ഗോപാലിനൊപ്പം എത്തുന്ന വീഡിയോകളാണ് ശില്പ കൂടുതലും ഷെയര് ചെയ്യാറുള്ളത്. കൂട്ടുകാരികള്ക്കൊപ്പമുള്ള നിമിഷങ്ങളും താരം പങ്കുവെക്കാറുണ്ട്. ഷൂട്ട് ചെയ്ത്, എഡിറ്റ് ചെയ്ത ഫൈനല് വീഡിയോ പ്രേക്ഷകരുമായി പങ്കുവെയ്ക്കുന്നതിലും താരത്തിന് ഇഷ്ടം അതിന്റെ ബിഹൈൻഡ് ദ സീനുകള് പങ്കുവയ്ക്കാനാണ്. ഇപ്പോഴിതാ തനൊരു അടിപൊളി ഡാൻസര് ആണെന്ന് വീണ്ടും തെളിയിക്കുകയാണ് ശില്പ ബാല. നര്ത്തകിയും കൊറിയോഗ്രാഫറുമായ രഞ്ജിനിയ്ക്കൊപ്പം താരം പങ്കുവച്ച പുതിയ വീഡിയോയാണ് ശ്രദ്ധിക്കപ്പെടുന്നത്. ‘പൂ പറിക്കാൻ നീയും പോരാമോ’ എന്ന തമിഴ് ഗാനത്തിനൊപ്പം തകര്ത്താടുന്ന താരങ്ങളെ വീഡിയോയില് കാണാം. ഒന്നിനൊന്നു മികച്ച ചുവടുകള്ക്കൊപ്പം മുഖത്തെ ഭാവവും ചേരുമ്പോള് നൃത്തം മനോഹരമായി മാറുന്നത് കാണാം. വെള്ള ദാവണിയുടുത്ത് സുന്ദരിയായിട്ടാണ് ശില്പ്പയെ വീഡിയോയില് കാണുന്നത്. ഡാന്സ് ഷൂട്ടിന്റെ ലൊക്കേഷനും ശ്രദ്ധിക്കപ്പെടുന്നുണ്ട്. വീഡിയോ ശ്രദ്ധിക്കപ്പെട്ടതോടെ പലരും മികച്ച കമന്റുകള് കൊടുക്കുന്നു.
ശില്പ ബാല മലയാള സിനിമയിലേക്ക് കടന്നുവന്നത് ‘ഓര്ക്കുക വല്ലപ്പോഴും’ എന്ന ചിത്രത്തിലൂടെയാണ് . വിജി തമ്പി സംവിധാനം ചെയ്ത ‘കെമിസ്ട്രി’ എന്ന ചിത്രത്തില് പ്രധാന വേഷം അവതരിപ്പിച്ചു. അഭിനയത്തില് മാത്രമല്ല, നൃത്തത്തിലും താരം പ്രാവീണ്യം തെളിയിച്ചിട്ടുണ്ട്. ദുബായില് നടന്ന അറേബ്യ യൂത്ത് ഫെസ്റ്റിവലില് കലാതിലകമായിരുന്നു ശില്പ്പ ബാല.
