നോട്ട് നിരോധനത്തിന്റെ ലക്ഷ്യങ്ങളിലൊന്നായി സര്ക്കാര് ചൂണ്ടിക്കാട്ടുന്നത് ക്യാഷ്ലെസ്സ് ഇടപാടുകളാണ്. ഇ-പെയ്മന്റ് ഇടപാടുകള് വര്ദ്ധിപ്പിക്കാനുള്ള ശ്രമങ്ങള് വിജയം കാണുന്നുണ്ടെന്ന് കേന്ദ്ര സര്ക്കാര് വൃത്തങ്ങള് പറയുന്നു. നോട്ട് പന്വലിക്കലിന് ശേഷം കേരളത്തില് കറന്സി രഹിത ഇടപാടുകള് നടത്തിയവരുടെ എണ്ണം 25000ത്തിന് മുകളിലായി. ഇ-പെയ്മന്റ് സംവിധാനത്തില് പുതിയതായി 26519 പേരാണ് ഇതു വരെ രജിസ്റ്റര് ചെയ്തിരിക്കുന്നത്. ഇവരില് 25155 പേരും കറന്സി രഹിത ഇടപാടുകള് തുടങ്ങിയതായാണ് കണക്ക്.
കേരളത്തില് ക്യാഷ്ലെസ്സ് ഇടപാടുകള് നടത്തുന്നതില് മലപ്പുറം ജില്ലയാണ് ഏറെ മുന്നില്. 14486 പേര് ഇടപാടുകള് നടത്തുകയും ഇതിലും കൂടുതല് ആളുകള് ഇ-പെയ്മന്റില് രജിസ്റ്റര് ചെയ്യുകയും ചെയ്തിട്ടുണ്ട്. മുന്നില് നില്ക്കുന്ന മലപ്പുറം ജില്ലയെ അപേക്ഷിച്ച് ഏറെ പിന്നില് കണ്ണൂര് ജില്ലയാണ്. 64 പേര് മാത്രമാണ് ഇ-പെയമന്റുമായി എത്തിയിട്ടുള്ളൂ. മലപ്പുറത്തിന് പിന്നാലെ തൃശ്ശൂര്, ഇടുക്കി, പാലക്കാട് എന്നീ ജില്ലകളാണ്.
പുതുവര്ഷത്തില് ഇന്ത്യയാകെ ക്യാഷ്ലെസ്സ് ഇടപാടുകള് നടത്തുന്നവരുടെ എണ്ണം ഒരു കോടിക്ക് മുകളിലാക്കുകയാണ് കേന്ദ്ര സര്ക്കാര് ലക്ഷ്യം. സ്മാര്ട്ട് ഫോണുകള്ക്കും കമ്പ്യൂട്ടറുകള്ക്കും പുറമേ ഇന്റര്നെറ്റ് സൗകര്യമുള്ള പഴയ ഫോണുകളിലുമുപയോഗിക്കാവുന്ന ഇ പെയ്മന്റ് ആപ്പുകളും എത്തും.
