ധാക്ക: ബംഗ്ളാദേശില് ഹിന്ദുക്ഷേത്രത്തില് അതിക്രമിച്ചുകടന്ന് വിഗ്രഹങ്ങള് തല്ലിയുടച്ചു. ബ്രാഹ്മണ് ബരിയ ജില്ലയില് വ്യാഴാഴ്ച രാത്രിയിലാണ് സംഭവം നടന്നത്. അക്രമം പ്രദേശത്തെ ഹിന്ദുക്കളുടെ വലിയ പ്രതിഷേധത്തിന് കാരണമായി മാറിയിട്ടുണ്ട്.
നിയാമത്പൂര് ഗ്രാമത്തിലെ ദുര്ഗാക്ഷേത്രത്തിലായിരുന്നു അക്രമം. നാശനഷ്ടം ഉണ്ടാക്കിയത് ഖാലില് മിയ എന്നയാളാണെന്ന് കണ്ടെത്തിയിട്ടുണ്ട്. വാര്ത്ത പുറത്തുവന്നതിന് തൊട്ടുപിന്നാലെ പ്രതിയെ തെരയാനും കണ്ടെത്താനും പോലീസിനൊപ്പം നാട്ടുകാരും കൂടിയിരുന്നു.
അതേസമയം അക്രമിയെ പിടികൂടാന് കഴിഞ്ഞെങ്കിലും അക്രമത്തിന് കാരണമെന്താണെന്ന് ഇതുവരെ പോലീസ് വ്യക്തമാക്കിയിട്ടില്ല. അതേസമയം നിയാമത്പൂര് ഗ്രാമത്തിലെ സഹോദരിയുടെ വീട്ടില് എത്തിയതാണ് ഖാലി മിയയെന്ന് സ്ഥിരീകരിച്ചിട്ടുണ്ട്.
സംഭവത്തില് മതവികാരം വ്രണപ്പെടുത്തിയതിന് അതിവേഗകോടതിയില് നിയാമത്പൂര് സാര്വജനീന് ദുര്ഗാക്ഷേത്രം പ്രസിഡന്റ് ജഗദീഷ് ദാസ് കേസ് നല്കിയിട്ടുണ്ട്. മതിയായ അന്വേഷണത്തിന് ശേഷം ശരിയായ നിയമനടപടികള് കൈക്കൊള്ളാമെന്ന് അധികൃതര് ഉറപ്പ് നല്കി.
