ഗുവാഹത്തി: നാഗാലാന്ഡ് പോലീസിന്റെ ആയുധപ്പുരയില് നിന്ന് ആയുധങ്ങള് മോഷ്ടിച്ച് മണിപ്പൂരില് കലാപകാരികള്ക്ക് വില്പ്പനയ്ക്ക് ്രശമിച്ച സംഘം പിടിയില്. നാഗാലാന്ഡിലെ ഒരു പോലീസുകാരനടക്കം അഞ്ച് പേരാണ് അറസ്റ്റിലായത്. ഇന്സാസ് ഓട്ടോമാറ്റിക് റൈഫിളുകളിലും സെല്ഫ് ലോഡിംഗ് റൈഫിളുകളിലും ഉപയോഗിക്കുന്ന ആയിരക്കണക്കിന് റൗണ്ട് തിരകളാണ് ഇവര് മോഷ്ടിച്ചത്. ചു-മൗ-െകദിയയിലെ സെന്ട്രല് സ്റ്റോറില് നിന്നാണ് ഇവ മോഷ്ടിച്ചത്.
പോലീസ് ഇന്സ്പെക്ടര് മൈക്കിള് യാന്തന്റെ നേതൃത്വത്തിലായിരുന്നു മോഷണം. ഇതിനായി ഇയാള് 4.25 ലക്ഷം രൂപ കൈപ്പറ്റിയെന്നും നാഗാലാന്ഡ് ഡിജിപി രുപിന് ശര്മ്മ പറയുന്നു. ആയുധപ്പുരയുടെ സൂക്ഷിപ്പ് ചുമതല ഇയാള്ക്കായിരുന്നു. ഈ അവസരം മുതലാക്കി ആയുധം കടത്തുകയായിരുന്നു ലക്ഷ്യം. ഇതിനു പിന്നാില് മറ്റ് ഗൂഢാലോചനകള് കണ്ടെത്തിയിട്ടില്ലെന്നും ഡിജിപി പറയുന്നു.
ജൂലായ് ഒമ്പതിനാണ് മോഷണത്തെ കുറിച്ച് സൂചന ലഭിച്ചത്. അടുത്ത ദിവസം കാറില് കടത്താന് ശ്രമിച്ച 2,500 റൗണ്ട് തിരകളുമായി രണ്ട് പേര് അറസ്റ്റിലായിുരന്നു. ഇവരില് നിന്ന് ഒരു വിമത ഗ്രൂപ്പ് നേതാവിന്റെ പേര് പോലീസിനു ലഭിച്ചത്. ഇയാളെ പിടികൂടി ചോദ്യം ചെയ്തപ്പോള് ഒരു ഇടനിലക്കാരന്റെ പേരും ഒടുവില് ഇന്സ്പെക്ടറിലേക്കും എത്തി.
നാഗാലന്ഡില് പലയിടത്തും പ്രത്യേകിച്ച് ദിമപൂരില് അനധികൃത ആയുധങ്ങളുടെ വില്പ്പനയും വടക്കുകിഴക്കന് മേഖലയിലേക്കുള്ള വിതരണവും മുന്പും പിടികൂടിയിട്ടുണ്ട്.
