അമേരിക്കയില് ഉടനീളം തന്റെ സംഗീതപരിപാടിക്കായി സാധനങ്ങള് കൊണ്ടുനടന്ന ടൂര് ട്രക്ക് ഡ്രൈവര്മാര്ക്ക് സ്വപ്നതുല്യമായ ടിപ്പ് നല്കി ഗായിക ടെയ്ലര് സ്വിഫ്റ്റ്. ഓരോ ഡ്രൈവര്മാര്ക്കും ഒരുലക്ഷം ഡോളര് ( ഏകദേശം 82 ലക്ഷം രൂപ) വീതമാണ് ഗായിക ബോണസ് നല്കിയത്.
എറാസ് ടൂറെന്ന് താരം പേരിട്ടിരിക്കുന്ന അമേരിക്കയില് ഉടനീളം നടത്തിയ സംഗീത പരിപാടിയില് തന്റെ ടൂറിംഗ് സംഘത്തില് ഉണ്ടായിരുന്നത് 50 ലധികം ട്രക്ക് ഡ്രൈവര്മാരായിരുന്നു. ട്രക്ക് ഡ്രൈവര്മാര്ക്ക് മാത്രം താരം ഒഴുക്കിയത് അഞ്ചുദശലക്ഷം ഡോളറാണ്. അടുത്തയാഴ്ചയാണ് താരത്തിന്റെ അമേരിക്കന് പരിപാടി അവസാനിക്കുന്നത്. അമേരിക്കന് ടൂറിന് ശേഷം താരം മെക്സിക്കന് ടൂറിന് പോകാന് തയ്യാറെടുക്കുകയാണ്.
അമേരിക്കന് പരിപാടി താരത്തിന് വന് സാമ്പത്തീകനേട്ടം ഉണ്ടാക്കിക്കൊടുത്തിരുന്നു. 1 ബില്യണ് ഡോളറിന്റെ നേട്ടമാണ് അമേരിക്കന് ടൂര് താരത്തിന് ഉണ്ടാക്കിക്കൊടുത്തത്. കണക്കുകള് പ്രകാരം താരത്തിന്റെ എക്കാലത്തെയും ഏറ്റവും വലിയ നേട്ടമായിട്ടാണ് ടൂര് മാറിയിരിക്കുന്നത്.
അതേസമയം പരിപാടി കൊണ്ടു ബോണസ് നേടിയത് ട്രക്ക് ഡ്രൈവര്മാര് മാത്രമായിരുന്നില്ല. ബാന്ഡ് അംഗങ്ങള്, ഡാന്സര്മാര്, ലൈറ്റ് ആന്റ് സൗണ്ട് ടെക്നീഷ്യന്മാര് കാറ്ററേഴ്സ് എന്നിവരെല്ലാം ഉള്പ്പെടെ മറ്റു ടൂര് സ്റ്റാഫുകള് എന്നിവര്ക്കെല്ലാം കൈനിറയെ പണം നല്കാനും താരം മറന്നില്ല.
