മത്സരാര്ത്ഥികളെ ലൈംഗികപീഡനത്തിന് ഇരയാക്കിയെന്ന ആരോപണം ഉയര്ന്ന സാഹചര്യത്തില് മിസ് യൂണിവേഴ്സ് സംഘടന ഇന്തോനേഷ്യന് ഫ്രാഞ്ചൈസിയുടെ കരാര് റദ്ദുചെയ്തു. ഇന്തോനേഷ്യയില് നടന്ന മിസ് യൂണിവേഴ്സ് ഇന്തോനേഷ്യ സൗന്ദര്യ മത്സരത്തില് പങ്കെടുത്ത ആറ് മത്സരാര്ത്ഥികള് ലൈംഗിക പീഡനത്തിന് പോലീസില് പരാതി നല്കിയ സാഹചര്യത്തലാണ് നടപടി.
മത്സരാര്ത്ഥികളെ വിവസ്ത്രരാക്കി ശരീര പരിശോധന നടത്തിയെന്നുമാണ് ഉയര്ന്നിരിക്കുന്ന ആരോപണം. പുരുഷന്മാര് ഉള്പ്പെടെ ഒരു ഡസന് ആള്ക്കാര് നില്ക്കുന്ന മുറിയില് വെച്ച് മുറിവിന്റെ പാടുകളും മറ്റുമുണ്ടോ എന്നറിയാന് ശരീര പരിശോധന നടത്തണമെന്നും അതിനായി അടിവസ്ത്രങ്ങള് ഉരിഞ്ഞുമാറ്റാനും സംഘാടകര് ആവശ്യപ്പെട്ടു. ടോപ്പലെസ്സാക്കി നിര്ത്തി ഫോട്ടോയെടുത്തെന്ന് മറ്റ് അഞ്ചു മത്സരാര്ത്ഥികളും പരാതിപ്പെട്ടു.
ന്യൂയോര്ക്ക് ആസ്ഥാനമായുള്ള മിസ് യൂണിവേള്സ് സംഘടന ഇന്തോനേഷ്യന് സൗന്ദര്യ മത്സരം നടത്തുന്ന കമ്പനി പിടി കാപ്പല്ലാ സ്വസ്തിക കാര്യയുമായുള്ള എല്ലാ ബന്ധങ്ങളും ഒഴിവാക്കുന്നതായി ശനിയാഴ്ച പുറത്തിറക്കിയ വാര്ത്താകുറിപ്പില് പറഞ്ഞു.
ആ മത്സരത്തിന്റെ ലൈസന്സ് ഇന്തോനേഷ്യന് ഫ്രാഞ്ചൈസിക്കും ഉള്ളതിനാല് ഈ വര്ഷത്തെ മിസ് യൂണിവേഴ്സ് മലേഷ്യ മത്സരവും റദ്ദാക്കും. എന്നാല് ഈ വര്ഷം അവസാനം എല് സാല്വഡോറില് നടക്കുന്ന മിസ് യൂണിവേഴ്സ് മത്സരത്തില് ഇന്തോനേഷ്യ 2023 കിരീടജേതാവിന് മത്സരിക്കാനാകും. അതേസമയം ആരോപണം പരിപാടി നടത്തിയ പോപ്പി കാപ്പല്ലോ നിഷേധിച്ചിട്ടുണ്ട്.
ഒരു തരത്തിലുമുള്ള ശാരീരിക പരിശോധന നടന്നിട്ടില്ലെന്ന് പോപ്പി കാപ്പല്ലോയുടെ ദേശീയ ഡയറക്ടര് ക്യാപ്പല്ലാ സ്വസ്തിക ഇന്സ്റ്റാഗ്രാമില് പ്രത്യേക വാര്ത്താകുറിപ്പ് തന്നെ പോസ്റ്റ് ചെയ്തിട്ടുണ്ട്. ഏതെങ്കിലൂം തരത്തിലുള്ള അക്രമവും പരിപാടിക്കിടയില് റിപ്പോര്ട്ട് ചെയ്തിട്ടില്ലെന്നും പറഞ്ഞു.
