കോട്ടയം: മുന് മുഖ്യമന്ത്രി ഉമ്മന് ചാണ്ടി ചെയ്ത സായം ചാനലുകളിലൂടെ പറഞ്ഞതിന് മൃഗാശുപത്രി താത്ക്കാലിക ജീവനക്കാരിക്ക് ജോലി പോയി. പുതുപ്പള്ളി സ്വദേശിനി പി.ഒ സതിയമ്മയ്ക്കാണ് ഈ ദുര്ഗതി. കഴിഞ്ഞ ദിവസം ഇവര് ചാനലിലൂടെ തന്റെ മകന് ഉമ്മന് ചാണ്ടി ചെയ്ത സഹായം പറയുകയും അറക്കാനാവില്ലെന്നും പറഞ്ഞിരുന്നു. ഇതിനു പിന്നാലെയാണ് ഇനി ജോലിക്ക് വരേണ്ട എന്ന് പുതുപ്പള്ളി ആശുപത്രി അധികൃതര് ഫോണിലുടെ വിളിച്ചറിയിച്ചത്. ജോലി റദ്ദാക്കാന് കാരണവും പറഞ്ഞിട്ടില്ല. ആശുപത്രിയിലെ മറ്റ് ജീവനക്കാരില് നിന്നാണ് ഉമ്മന് ചാണ്ടിയെ പുകഴ്ത്തിയതാണ് കാരണമെന്ന് അറിഞ്ഞതെന്നും സതിയമ്മ മാധ്യമങ്ങളോട് പറഞ്ഞൂ.
കഴിഞ്ഞ 13 വര്ഷമായി താത്ക്കാലിക ജീവനക്കാരിയാണ് സതിയമ്മ. കുടുംബത്തിന്റെ വരുമാന മാര്ഗവുമായിരുന്നു ഈ ജോലി. ആറ് മാസം കൂടുമ്പോഴാണ് ജോലി പുതുക്കിയിരുന്നത്. പുതുക്കാന് ഇനിയും സമയമുണ്ടായിരിക്കേയാണ് പിരിച്ചുവിടലെന്ന് പി.ഒ സതിയമ്മയും ഭര്ത്താവും പറഞ്ഞൂ. ജോലി പോയതിന്റെ പേരില് ഉമ്മന് ചാണ്ടി ചെയ്ത സേവനങ്ങള് മറക്കാനാവില്ലെന്ന് ഭര്ത്താവ് രാധാകൃഷ്ണന് പറഞ്ഞു.
സ്വാതന്ത്ര്യം, ജനാധിപത്യം, സോഷ്യലിസം പറയുന്നവരാണോ ഇത് ചെയ്യുന്നതെന്ന് പുതുപ്പള്ളിയിലെ യുഡിഎഫ് സ്ഥാനാര്ത്ഥി ചാണ്ടി ഉമ്മന് പ്രതികരിച്ചു. തങ്ങള്ക്കിടഷ്ടമില്ലാത്തത് ആരെങ്കിലും പറഞ്ഞാല് അവരെ ദ്രോഹിക്കുക എന്നതാണ് അവരുടെ രീതി. ഈ നാട്ടില് ഇപ്പോഴും സ്വാതന്ത്ര്യമില്ലെന്നാണ് ഇത് തെളിയിക്കുന്നതെന്നും ചാണ്ടി ഉമ്മന് പറഞ്ഞൂ.
ഈ വിഷയം തിരുവഞ്ചൂര് രാധാകൃഷ്ണന് മൃഗവകുപ്പ് ഡെപ്യൂട്ടി ഡയറക്ടറോട് തേടിയിരുന്നു. എന്നാല് ജില്ലാ ഓഫീസര് അറിയിച്ചതിനെ തുടര്ന്നാണ് നടപടിയെന്നാണ് മറുപടി. അനധികൃതമായി ജോലി ചെയ്തിരുന്നതാണെന്നാണ് വിശദീകരണം. എന്നാല് അനധികൃതമായി ഒരാള്ക്ക് എങ്ങനെയാണ് 13 വര്ഷമായി ജോലി ചെയ്യാന് കഴിയുന്നതെന്നും മാസം 8,000 രൂപ ശന്പളം വാങ്ങാന് കഴിയുന്നതെന്നുമാണ് തിരുവഞ്ചൂരിന്റെ ചോദ്യം. ജില്ലാ ഓഫീസര്ക്ക് മുകളിലുള്ള സമ്മര്ദ്ദമാണ് ഇതിനു കാരണമെന്ന് അറിയാമെന്നും തിരുവഞ്ചൂര് പറയുന്നുണ്ട്.
