കൊച്ചി: ഡോക്ടര്മാര് ബ്രാന്ഡഡ് മരുന്നുകള്ക്കു പകരം ജനറിക് പേരുകള് കുറിക്കണമെന്ന ദേശീയ മെഡിക്കല് കമ്മിഷന് (എന്.എം.സി.) ഉത്തരവിനു വിലക്കേര്പ്പെടുത്തിയ കേന്ദ്രനടപടിക്കെതിരേ സുപ്രീംകോടതിയില് പൊതുതാല്പര്യ ഹര്ജി. ഹര്ജിയില് കേന്ദ്രസര്ക്കാരിനും സെന്ട്രല് ഡ്രഗ്സ് കണ്ട്രോളര്ക്കും നോട്ടീസയച്ചു.
കേരളമുള്പ്പെടെ സംസ്ഥാന സര്ക്കാരുകളോടും വിഷയത്തില് നിലപാട് തേടി. ഡോക്ടര്മാര് മരുന്നുകളുടെ ജനറിക് നെയിം എഴുതാതെ തങ്ങള്ക്കിഷ്ടമുള്ള ബ്രാന്റുകള് എഴുതുന്നതു തടയണമെന്നാണു ഹര്ജിയിലെ ആവശ്യം.
ജെനറിക് നെയിം എഴുതണമെന്ന എന്.എം.സി. നിര്ദേശം നടപ്പാക്കരുതെന്ന് ഇന്ത്യന് മെഡിക്കല് അസോസിയേഷനും ഫെഡറേഷന് ഓഫ് റസിഡന്റ് ഡോക്ടേഴ്സ് അസോസിയേഷനും ആവശ്യപ്പെട്ടതിനു പിന്നാലെ കേന്ദ്രസര്ക്കാര് തടയുകയായിരുന്നു. എന്.എം.സിയുടെ ഉത്തരവിനെതിരേ ഡോക്ടര്മാര് ആദ്യംമുതല് തന്നെ എതിര്പ്പു രേഖപ്പെടുത്തിയിരുന്നു. രാജ്യത്ത് ജനറിക് മരുന്നുകളുടെ ഗുണനിലവാര നിയന്ത്രണം കുറവാണെന്നും ഇത്തരം ഉത്തരവുകള് രോഗികളെ അപകടത്തില്പ്പെടുത്തുമെന്നുമായിരുന്നു ഡോക്ടര്മാരുടെ വാദം.
നാഷണല് മെഡിക്കല് കമ്മിഷന്റെ 2023 റജിസ്റ്റേഡ് മെഡിക്കല് പ്രാക്ടീഷനല് റെഗുലേഷന്സിലാണു ഡോക്ടര്മാര് മരുന്നുകളുടെ ജനറിക് പേരുകള് കുറിക്കണമെന്നു നിര്ബന്ധമാക്കിയത്. ബ്രാന്ഡഡ് മരുന്നുകളെക്കാള് ജനറിക് മരുന്നുകള്ക്കു 30 മുതല് 80 ശതമാനം വരെ വിലകുറവുള്ളതിനാല് പുതിയ ഉത്തരവ് ആരോഗ്യസംരക്ഷണ ചെലവു കുറയ്ക്കുമെന്നായിരുന്നു റെഗുലേറ്ററി ബോഡിയുടെ വാദം.
ജന്ഔഷധി മരുന്നുകള്ക്കു ബ്രാന്ഡഡ് മരുന്നുകളേക്കാള് 80 ശതമാനം വരെ വിലക്കുറവുള്ളതു സാധാരണക്കാര്ക്ക് ഏറെ ആശ്വാസമാണ്. എന്നാല്, ഇത്തരം മരുന്നുകള്ക്കു ഗുണനിലവാരമില്ലെന്ന വിചിത്രമായ വാദമാണു ഡോക്ടര്മാരുടെ സംഘടനകള് ഉയര്ത്തുന്നത്. ഒരു മരുന്നു നിര്മിച്ചു പേറ്റന്റ് ചെയ്തശേഷം പേറ്റന്റ് കാലാവധി കഴിയുംവരെ അത് ഉത്പാദിപ്പിച്ച കമ്പനിയുടെ ബ്രാന്ഡ് നാമത്തിലായിരിക്കും വില്പന നടത്തുക.
പേറ്റന്റിന്റെ സമയപരിധി കഴിഞ്ഞാല് ഏതു കമ്പനിക്കും പിന്നീട് ആ മരുന്നുകള് ഉത്പാദിപ്പിക്കാം. അങ്ങനെ നിര്മിക്കുന്ന മരുന്നുകള്ക്കാണു പൊതുവേ ജനറിക് മരുന്നുകള് എന്നു പറയുന്നത്. ബ്രാന്ഡഡ് മരുന്നുകള് ഒരു കമ്പനി തന്നെ ഉത്പാദിപ്പിക്കുന്നതിനാല് അതിന്റെ വില സ്വാഭാവികമായും ഉയര്ന്നുനില്ക്കും. എന്നാല്, ജനറിക് മരുന്നുകള് വിവിധ കമ്പനികള് ഉത്പാദിപ്പിക്കുന്നതുവഴി താഴ്ന്ന വിലയ്ക്കു കിട്ടും.
കേരളമുള്പ്പെടെ സംസ്ഥാന സര്ക്കാരുകളോടും വിഷയത്തില് നിലപാട് തേടി. ഡോക്ടര്മാര് മരുന്നുകളുടെ ജനറിക് നെയിം എഴുതാതെ തങ്ങള്ക്കിഷ്ടമുള്ള ബ്രാന്റുകള് എഴുതുന്നതു തടയണമെന്നാണു ഹര്ജിയിലെ ആവശ്യം.
ജെനറിക് നെയിം എഴുതണമെന്ന എന്.എം.സി. നിര്ദേശം നടപ്പാക്കരുതെന്ന് ഇന്ത്യന് മെഡിക്കല് അസോസിയേഷനും ഫെഡറേഷന് ഓഫ് റസിഡന്റ് ഡോക്ടേഴ്സ് അസോസിയേഷനും ആവശ്യപ്പെട്ടതിനു പിന്നാലെ കേന്ദ്രസര്ക്കാര് തടയുകയായിരുന്നു. എന്.എം.സിയുടെ ഉത്തരവിനെതിരേ ഡോക്ടര്മാര് ആദ്യംമുതല് തന്നെ എതിര്പ്പു രേഖപ്പെടുത്തിയിരുന്നു. രാജ്യത്ത് ജനറിക് മരുന്നുകളുടെ ഗുണനിലവാര നിയന്ത്രണം കുറവാണെന്നും ഇത്തരം ഉത്തരവുകള് രോഗികളെ അപകടത്തില്പ്പെടുത്തുമെന്നുമായിരുന്നു ഡോക്ടര്മാരുടെ വാദം.
നാഷണല് മെഡിക്കല് കമ്മിഷന്റെ 2023 റജിസ്റ്റേഡ് മെഡിക്കല് പ്രാക്ടീഷനല് റെഗുലേഷന്സിലാണു ഡോക്ടര്മാര് മരുന്നുകളുടെ ജനറിക് പേരുകള് കുറിക്കണമെന്നു നിര്ബന്ധമാക്കിയത്. ബ്രാന്ഡഡ് മരുന്നുകളെക്കാള് ജനറിക് മരുന്നുകള്ക്കു 30 മുതല് 80 ശതമാനം വരെ വിലകുറവുള്ളതിനാല് പുതിയ ഉത്തരവ് ആരോഗ്യസംരക്ഷണ ചെലവു കുറയ്ക്കുമെന്നായിരുന്നു റെഗുലേറ്ററി ബോഡിയുടെ വാദം.
ജന്ഔഷധി മരുന്നുകള്ക്കു ബ്രാന്ഡഡ് മരുന്നുകളേക്കാള് 80 ശതമാനം വരെ വിലക്കുറവുള്ളതു സാധാരണക്കാര്ക്ക് ഏറെ ആശ്വാസമാണ്. എന്നാല്, ഇത്തരം മരുന്നുകള്ക്കു ഗുണനിലവാരമില്ലെന്ന വിചിത്രമായ വാദമാണു ഡോക്ടര്മാരുടെ സംഘടനകള് ഉയര്ത്തുന്നത്. ഒരു മരുന്നു നിര്മിച്ചു പേറ്റന്റ് ചെയ്തശേഷം പേറ്റന്റ് കാലാവധി കഴിയുംവരെ അത് ഉത്പാദിപ്പിച്ച കമ്പനിയുടെ ബ്രാന്ഡ് നാമത്തിലായിരിക്കും വില്പന നടത്തുക.
പേറ്റന്റിന്റെ സമയപരിധി കഴിഞ്ഞാല് ഏതു കമ്പനിക്കും പിന്നീട് ആ മരുന്നുകള് ഉത്പാദിപ്പിക്കാം. അങ്ങനെ നിര്മിക്കുന്ന മരുന്നുകള്ക്കാണു പൊതുവേ ജനറിക് മരുന്നുകള് എന്നു പറയുന്നത്. ബ്രാന്ഡഡ് മരുന്നുകള് ഒരു കമ്പനി തന്നെ ഉത്പാദിപ്പിക്കുന്നതിനാല് അതിന്റെ വില സ്വാഭാവികമായും ഉയര്ന്നുനില്ക്കും. എന്നാല്, ജനറിക് മരുന്നുകള് വിവിധ കമ്പനികള് ഉത്പാദിപ്പിക്കുന്നതുവഴി താഴ്ന്ന വിലയ്ക്കു കിട്ടും.
Comments