കോഴിക്കോട്: ശസ്ത്രക്രിയ്ക്കിടെ കത്രിക കുടുങ്ങിയ സംഭവത്തില് ഹര്ഷിന വീണ്ടും സമരത്തിലേക്ക്. സെപ്റ്റംബര് 13ന്
സെക്രട്ടറിയേറ്റിന് മുന്നില് ന്ഷ്ടപരിഹാരം നല്കണമെന്നാവിശ്യപ്പെട്ടുകൊണ്ട് കുത്തിയിരുപ്പ് സമരം നടത്തും.
പൊലീസ് പ്രതിപ്പട്ടിക കോടതിയില് സമര്പ്പിച്ചതോടെ വാക്ക് പാലിക്കാന് ആരോഗ്യ മന്ത്രി തയ്യാറാകണമെന്ന് ഹര്ഷിന ആവശ്യപ്പെട്ടു.
ഡോക്ടേഴ്സ് നഴ്സസ് സംഘടനകള് പ്രതികളെ അനുകൂലിച്ച് രംഗത്ത് വരുന്നത് മനുഷ്യത്വ രഹിതമാണെന്നും ഹര്ഷിന പറഞ്ഞു.
അതേസമയം 50 ലക്ഷം നഷ്ടപരിഹാരം വേണമെന്ന നിലപാടില് വിട്ടുവീഴ്ചയില്ലെന്ന് സമരസമിതിയും വ്യക്തമാക്കി. ഹര്ഷിനയ്ക്ക് അനുകൂലമായി സര്ക്കാര് നിലപാട് സ്വീകരിച്ചില്ലെങ്കില് തുടര് സമരപരിപാടികള് ആലോചിക്കുമെന്നും സമരസമിതി അറിയിച്ചു.
