ആരാധകരുടെ പ്രതീക്ഷകള് അവസാനിപ്പിച്ച് ഒടുവില് ഷാരൂഖിന്റെ ബോളിവുഡ് ചിത്രം ചരിത്രമെഴുതിക്കൊണ്ട് തീയേറ്ററില്. സിനിമയുടെ 10,000 സ്ക്രീനിംഗാണ് ലോകത്തുടനീളമായി നടക്കുന്നത്. അഡ്വാന്സ് ബുക്കിംഗിന്റെ കാര്യത്തില് തന്നെ വന് തരംഗം സൃഷ്ടിച്ച സിനിമ ഇന്ത്യയില് മാതം 5000 സ്ക്രീനിംഗാണ് റിലീസിംഗിനായി തെരഞ്ഞെടുത്തിരുന്നത്.
ഹിന്ദിയില് 5000 സ്ക്രീനിംഗും ദക്ഷിണേന്ത്യയില് 1000 സ്ക്രീനിംഗും ലോകത്തുടനീളമായി 4000 സ്ക്രീനിംഗുമാണ് സിനിമയ്ക്ക് അണിയറക്കാര് ഒരുക്കിയിരിക്കുന്നത്. അഡ്വാന്സ് ബുക്കിംഗിലൂടെ തന്നെ തരംഗമായ സിനിമയാണ് ജവാന്. സെപ്തംബര് 7 ന് പാന് ഇന്ത്യന് സിനിമായായി എത്തുന്ന ജവാന് ഇതിനകം 50 കോടിയുടെ അഡ്വാന്സ് ബുക്കിംഗാണ് നടന്നത്.
സിനിമയുടെ അഡ്വാന്സ് ബുക്കിംഗ് തന്നെ റെക്കോഡായിരുന്നു. പത്താന്റെ 5.57 ലക്ഷം ടിക്കറ്റുകളാണ് വിറ്റുപോയത്. പത്താന് കിട്ടിയ 5.56 ലക്ഷം ടിക്കറ്റുകളാണ് ഇതിന് മുമ്പത്തെ റെക്കോഡ്. സിനിമയ ഹിന്ദി, തമിഴ്, തെലുങ്ക് ഭാഷകളില് ഡബ്ബും ചെയ്തിട്ടുണ്ട്.
താരങ്ങളുടെ സാന്നിദ്ധ്യം കൊണ്ടു തന്നെ സിനിമ ദക്ഷിണേന്ത്യയിലും തരംഗമാണ്. വിജയ് സേതുപതി, നയന്താര, യോഗിബാബു, പ്രിയാമണി തുടങ്ങിയ അനേകം ദക്ഷിണേന്ത്യന് താരങ്ങളും സിനിമയുടെ ഭാഗമാണ്. സിനിമയില് ദീപികാ പദുക്കോണും അതിഥി വേഷത്തില് എത്തുന്നുണ്ട്. സാന്യ മല്ഹോത്രയും മറ്റൊരു വേഷത്തില് എത്തുന്നുണ്ട്.
അനിരുദ്ധ് രവിചന്ദ്രനാണ് സിനിമയുടെ സംഗീതം ഒരുക്കുന്നത്. സൂപ്പര്ഹിറ്റ് സംവിധായകന് ആറ്റ്ലിയാണ് സിനിമ ഒരുക്കുന്നത്. ചെന്നൈയില് തീയറ്ററിന് പുറത്ത് ഷാരൂഖിന്റെ കട്ടൗട്ടില് ആരാധകര് പാലഭിഷേകം നടത്തിയിരുന്നു. വന് വിജയം നേടിയ പത്താന് പിന്നാലെയാണ് ഷാരൂഖിന്റെ ജവാനും തീയറ്ററില് എത്തുന്നത്. ഷാരൂഖിന്റെ റെഡ് ചിലീസിന്റെ ബാനറില് സിനിമയ്ക്ക് പണം മുടക്കുന്നത് ഗൗരിഖാനാണ്.
