കോട്ടയം: പുതുപ്പള്ളിയിലെ പുതിയ ജനനായകനെ കണ്ടെത്താനുള്ള ഉപ തെരഞ്ഞെടുപ്പില് സ്വന്തം പഞ്ചായത്തിലും വാര്ഡിലും തൂത്തുവാരി ചാണ്ടി ഉമ്മന്. കഴിഞ്ഞ തവണ ഉമ്മന്ചാണ്ടിയ്ക്കെതിരേ മത്സരിച്ചപ്പോള് ജെയ്ക്ക് സി തോമസ് മൂന്തൂക്കം കാട്ടിയ രണ്ടു പഞ്ചായത്തും ഇത്തവണ ചാണ്ടി ഉമ്മനൊപ്പമായി. കഴിഞ്ഞ തവണ ജെയ്ക്കിന് മൂന്തൂക്കം കിട്ടിയ രണ്ടു ബൂത്തിലും ചാണ്ടി ഉമ്മന് തുണയായി.
ജയ്ക്കിന്റെ സ്വദേശമായ മണര്കാട് പഞ്ചായത്തിലെ പകുതി വോട്ടുകള് എണ്ണിക്കഴിഞ്ഞപ്പോള് തന്നെ ചാണ്ടി ഉമ്മന്റെ ഭൂരിപക്ഷം 20,000 ന് മുകളിലേക്കാണ് ഭൂരിപക്ഷം പോയത്. ജയ്ക്കിന്റെ വീട് ഇരിക്കുന്ന മണര്കാട്ടെ ആറാം വാര്ഡില് പോലും ചാണ്ടി ഉമ്മനായിരുന്നു മുന്തൂക്കം. ഒരു പഞ്ചായത്തില് പോലും നേട്ടം ഉണ്ടാക്കാനാകാതെയാണ് ജെയ്ക്കിന്റെ പരാജയം. തുടക്കം മുതല് നിലനിര്ത്തിയ ഭൂരിപക്ഷം അതുപോലെ തന്നെ നാലുപഞ്ചായത്തുകള് പിന്നിടുമ്പോഴും ചാണ്ടി ഉമ്മന് നില നിര്ത്തുകയായിരുന്നു. ബിജെപി ചിത്രത്തിലേ ഇല്ലായിരുന്നു.
