കോഴിക്കോട് : കോഴിക്കോട് പനി ബാധിച്ച് രണ്ട് അസ്വാഭാവിക മരണങ്ങള് റിപ്പോര്ട്ട് ചെയ്യതിന്ശേഷം ജില്ലയില് ആകെ ജാഗ്രത നിര്ദ്ദേശം നല്കി ആരോഗ്യ വകുപ്പ് . നിപ സംശയം നിലനില്ക്കുന്നതിനാല് കോഴിക്കോട് മാസ്ക് നിര്ബന്ധമാക്കി. സ്രവസാമ്പിളുകളുടെ പരിശോധനാ ഫലം പുണെയില് നിന്ന് ഇന്ന് വൈകീട്ടെത്തും. ഈ ഘട്ടത്തില് വ്യാജവാര്ത്തകള് പ്രചരിപ്പിക്കരുതെന്നും ആരോഗ്യമന്ത്രി നിര്ദേശം നല്കി.
വവ്വാല്, കാട്ടുപന്നി എന്നിവയാണ് നിപ വൈറസിന്റെ വാഹകരെന്നതിനാല് ഇവയുമായുള്ള സമ്പര്ക്കം ഒഴിവാക്കണമെന്ന് വെറ്റിനറി ഓഫിസര് ഡോ കെ ബി ജിതേന്ദ്രകുമാര് നിര്ദേശം നല്കി . നിപ ലക്ഷണങ്ങളോടെ കോഴിക്കോട്ടെ സ്വകാര്യ ആശുപത്രിയിൽ നാല് പേരാണ് ചികിൽസയിലുള്ളതെന്ന് ആരോഗ്യ മന്ത്രി വീണാ ജോർജ്ജ്.
മരുതോങ്കര സ്വദേശിയായ മരിച്ചയാളുടെ രണ്ട് മക്കളും ബന്ധുവുമാണ് ഇപ്പോൾ സ്വകാര്യ ആശുപത്രിയിൽ ചികിത്സയിലുള്ളത്. ഇയാളുടെ രണ്ട് മക്കളിൽ 9വയസുകാരന്റെ ആരോ ഗ്യനില അതീവ ഗുരുതരമായി തുടരുകയാണ്. ഈ കുട്ടി വെന്റിലേറ്ററിൻ്റെ സഹായത്താലാണ് ആശുപത്രിയിൽ കഴിയുന്നത്.
4വയസുള്ള കുട്ടിയുടെ നില ഗുരുതരമായി തുടരുന്നുണ്ടെങ്കിലും അതീവ ഗുരുതരമല്ല. അതേസമയം, മരിച്ചയാളുടെ ബന്ധുവായ 25വയസു കാരന്റെ നില തൃപ്തികരമാണെന്നാണ് വിവരം. മരിച്ചയാളുടെ സമ്പർക്കത്തിലുള്ളവരെ കണ്ടെത്താനുള്ള ശ്രമങ്ങൾ തുടങ്ങിയിട്ടുണ്ട്. അതിനായി ഫീൽഡ് സർവ്വെ തുടങ്ങിയിരിക്കുകയാണ് ആരോ ഗ്യ വകുപ്പ്.
പ്രതിരോധപ്രവര്ത്തനങ്ങള്ക്കായി കോഴിക്കോട് കണ്ട്രോള് റൂം പ്രവര്ത്തനം ആരംഭിക്കുമെന്നും മന്ത്രി അറിയിച്ചു. എല്ലാ ആശുപത്രികളിലും പകര്ച്ച വ്യാധി നിയന്ത്രണ പെരുമാറ്റ ചട്ടം നിലവിലുണ്ടെന്ന് വീണാ ജോര്ജ് പറഞ്ഞു. കഴിവതും ആശുപത്രി സന്ദര്ശനം ഒഴിവാക്കണം. പ്രതിരോധ പ്രവര്ത്തനങ്ങള്ക്കായി 16 ടീമുകളെ ചുമതലപ്പെടുത്തി. ആദ്യം മരിച്ച ആളുടെ ഒന്പത് വയസുള്ള കുട്ടി വെന്റിലേറ്ററില് ആണ്.
മരിച്ച വ്യക്തിയുടെ ഭാര്യ ഐസൊലേഷനില് ആണ്. സ്ഥിതിഗതികള് വിലയിരുത്താന് ഇന്ന് 2 മണിക്ക് കുറ്റ്യാടിയില് പ്രാദേശിക യോഗം ചേരും. മന്ത്രി മുഹമ്മദ് റിയാസ് ഉള്പ്പെടെയുള്ളവര് യോഗത്തില് പങ്കെടുക്കുമെന്നും മന്ത്രി വ്യക്തമാക്കി.
