പാലക്കാട്: ട്രെയിനിനു നേരെയുള്ള കല്ലേറ് തുടരുന്നു. കഴിഞ്ഞ ദിവസം ഒറ്റപ്പാലം റെയിൽവേ സ്റ്റേഷനു സമീപത്ത് വച്ച് കേരള എക്സ്പ്രസിനു നേരെ കല്ലേറുണ്ടായി. തിരുവനന്തപുരത്തു നിന്നു ഡൽഹിയിലേക്കു പോകുന്നതിനിടെയിലാണ് കേരള എക്സ്പ്രസിനു നേരെയാണ് കല്ലേറുണ്ടായത്.
കല്ലേറിൽ ജനൽ ചില്ലു തകര്ന്നു. ഡി 3 കോച്ചിന്റെ ജനൽ ചില്ലുകളാണ് തകര്ന്നത്. യാത്രക്കാർക്കു പരിക്കില്ല. ഒറ്റപ്പാലം റെയിൽവേ സ്റ്റേഷന്റെ കിഴക്കുഭാഗത്ത് മായനൂർ പാലം പരിസരത്തുവച്ചായിരുന്നു ആക്രമണം. സംഭവത്തിൽ ഷൊർണൂർ ആർപിഎഫ് അന്വേഷണം തുടങ്ങി.
