പത്ത് വര്ഷക്കാലം പ്രായപൂര്ത്തിയാകാത്ത രണ്ട് പെണ്മക്കളെ ലൈംഗികമായി പീഡിപ്പിച്ച പിതാവിന് ജീവപര്യന്തം. സംഭവം നടന്നത് ബിഹാറിലെ ബക്സര് ജില്ലയിലാണ്. ആണ്കുഞ്ഞുങ്ങള് ജനിക്കുന്നതിനായി മന്ത്രവാദിയുടെ ഉപദേശം സ്വീകരിച്ച് പെണ്കുട്ടികളെ ലൈംഗികമായി പീഡിപ്പിക്കുകയായിരുന്നു. സംഭവത്തില് മന്ത്രവാദി, പെണ്കുട്ടികളുടെ അമ്മ, അമ്മായി എന്നിവരെയും 20 വര്ഷത്തെ തടവിന് പോക്സോ കോടതി ശിക്ഷിച്ചു.
ആരെയും ഞെട്ടിച്ച അതിക്രൂരമായ പീഡനവിവരം പുറംലോകം അറിയുന്നത്വീട്ടില് നിന്ന് രക്ഷപ്പെട്ട പെണ്കുട്ടികള് പൊലീസ് സ്റ്റേഷനിലെത്തി കുടുംബംഗങ്ങള്ക്കെതിരെ പരാതി നല്കിയതോടെയാണ്. സംഭവത്തില് നടുക്കം രേഖപ്പെടുത്തിയ സാമൂഹികക്ഷേമ പ്രവര്ത്തകര്, നിരക്ഷരതയാണ് ഇത്തരം സംഭവങ്ങള്ക്ക് പിന്നിലെന്നും വ്യക്തമാക്കി. ലിംഗവിവേചനം മാത്രമല്ല ഇത് നിലവിലുള്ള പുരുഷാധിപത്യ വ്യവസ്ഥയുടെ ഫലമാണെന്നും സത്രീകള് തന്നെ ചോദ്യം ചെയ്യുന്നതുവരെ ഇത് തുടരുമെന്നും അവര് പറയുന്നു.
2012ന് പ്രതികള് മന്ത്രവാദിയെ സമീപ്പിക്കുകയായിരുന്നു. അവരോട് തനിക്ക് രണ്ട് പെണ്കുട്ടികളാണ് ഉള്ളതെന്നും ഒരാണ്കുഞ്ഞ് ജനിക്കുന്നതിന് പരിഹാരം വേണമെന്നും ആവശ്യപ്പെടുകയായിരുന്നു. എന്നാല് സ്ന്തം പെണ്മക്കളെ ലൈംഗികമായി പീഡിപ്പിക്കാനായിരുന്നു മന്ത്രവാദി പരിഹാരമായി നിര്ദേശിച്ചത്. യാദൃച്ഛികമായി പ്രതിക്ക് ആണ്കുഞ്ഞ് പിറന്നു. എന്നാല് കുഞ്ഞിന്റെ ജീവന് ഭീഷണിയുണ്ടെന്നും ആപത്തുകളില് നിന്ന് രക്ഷിക്കുന്നതിന് പെണ്മക്കളെ ലൈംഗികമായി പീഡിപ്പിക്കുന്നതും തുടരണമെന്നും മന്ത്രവാദി പ്രതിയെ ഉപദേശിച്ചു. ശേഷം മന്ത്രവാദിയുെ പെണ്കുട്ടികളെ ലൈംഗികമായി പീഡിപ്പിച്ചുവെന്നും പൊലീസ് പറയുന്നു. കഴിഞ്ഞ വര്ഷം മെയിലായിരുന്നു പെണ്കുട്ടികള് വീട്ടില് നിന്ന് രക്ഷപ്പെട്ടത്. പിന്നീട് പൊലീസില് പരാതിപെടുകയും പൊലീസ് കേസെടുത്ത് വേഗത്തില് അന്വേഷണം പൂര്ത്തികരിച്ച് കുറ്റപത്രം സമര്പ്പിക്കുകയായിരുന്നു.
