തിരുവനന്തപുരം: മുഖ്യമന്ത്രിയ്ക്ക് പറക്കാനുള്ള ഹെലികോപ്റ്റര് തലസ്ഥാനത്തെത്തി. കടുത്ത സാമ്പത്തീക പ്രതിസന്ധിക്കിയിടയില് വ്യാപക വിമര്ശനം ഉയരുന്നതിനിടയില് എസ്എപി ക്യാമ്പിലെ ഗ്രൗണ്ടില് സുരക്ഷാ പരിശോധനകള്ക്ക് വേണ്ടിയാണ് ഹെലികോപ്റ്റര് എത്തിച്ചത്.
മുഖ്യമന്ത്രിയുടെ യാത്രക്കായി പൊലിസ് വാടകക്കെടുക്കുന്നതാണ് ഹെലികോപ്റ്റര്. മൂന്നു വര്ഷത്തേക്കാണ് ചിപ്സണ് ഏവിയേഷനുമായി കരാര് ഉണ്ടാക്കിയിരിക്കുന്നത്. പ്രതിമാസം 25 മണിക്കൂര് പറക്കാന് 80 ലക്ഷം രൂപയാണ് കരാര് പ്രകാരം കമ്പനിക്ക് നല്കേണ്ടത്. അധികം വരുന്ന ഓരോ മണിക്കൂറും 90,000 രൂപ നല്കണം. വാടക കരാറുമായി ബന്ധപ്പെട്ട് നീണ്ടു നിന്ന് അനിശ്ചിതത്വങ്ങള്ക്ക് ഒടുവില് ഇന്നലെ കരാര് ഒപ്പിട്ടു.
രണ്ട് വര്ഷത്തേക്കു കൂടി കരാര് നീട്ടാമെന്നും ധാരണ പത്രത്തില് പറഞ്ഞിട്ടുണ്ട്. മുഖ്യമന്ത്രിയുടെ ഹെലികോപ്റ്റര് യാത്ര മുമ്പും ഏറെ വിവാദമായിരുന്നു. കടുത്ത സാമ്പത്തിക പ്രതിസന്ധിക്കിടെ ഹെലികോപ്റ്റര് എടുത്തതിനെതിരെ വ്യാപകമായി വിമര്ശനം ഉയര്ന്നതിന് തുടര്ന്ന് തീരുമാനം തല്ക്കാലം മരവിപ്പിച്ചിരുന്നുവെങ്കിലും വീണ്ടും കരാര് നല്കുകയായിരുന്നു.
