ന്യുഡല്ഹി: വായ്പ വാങ്ങിയ 3000 രൂപ തിരിച്ചുനല്കാന് കഴിയാത്തതിന് കച്ചവടക്കാരനെ മര്ദ്ദിച്ച് നഗ്നനാക്കി നടത്തി. നോയിഡയില് വെളുത്തുള്ളി കച്ചവടക്കാരനോടാണ് ഈ ക്രൂരത. മാര്ക്കറ്റിലെ ഒരു കമ്മീഷന് ഏജന്റിനോടാണ് കച്ചവടക്കാരന് പണം വാങ്ങിയത്. ഇയാളെ മര്ദ്ദിച്ച ഏജന്റ് അടക്കം രണ്ടു പേരെ പോലീസ് അറസ്റ്റു ചെയ്തു.
സുന്ദര് എന്ന ഏജന്റില് നിന്നും 5600 രൂപയാണ് കച്ചവടക്കാരന് കടം വാങ്ങിയത്. തിങ്കളാഴ്ച 2500 രൂപ തിരിച്ചുനല്കി. ബാക്കി തുകയ്ക്ക് സാവകാശവും തേടി. എന്നാല് ഗുണ്ടകളെ വിളിച്ചുവരുത്തിയ ഏജന്റ് കച്ചവടക്കാരനെ പിടിച്ചുകൊണ്ടുപോയി ബലമായി വസ്ത്രമുരിയുകയും മര്ദ്ദിച്ച് തെരുവിലൂടെ നടത്തുകയുമായിരുന്നു. ഇത് ചിലര് മൊബൈലില് പകര്ത്തുകളും സമൂഹ മാധ്യമങ്ങളിലുടെ പ്രചരിപ്പിക്കുകയും ചെയ്തുന്നു. കുറ്റക്കാര്ക്കെതിരെ കര്ശന നടപടി വേണമെന്ന് സമൂഹ മാധ്യമങ്ങളില് ആഹ്വാനവുമുയര്ന്നു.
വിവിധ വകുപ്പുകള് പ്രകാരം ഏജന്റിനും ഗുണ്ടകള്ക്കുമെതിരെ കേസെടുത്ത പോലീസ് വീഡിയോ പ്രചരിപ്പിച്ചവരും നിയമ നടപടി നേരിടേണ്ടി വരുമെന്ന് വ്യക്തമാക്കി. ഏജന്റ് സുന്ദറും കൂട്ടുപ്രതിയായ ഭഗന്ദാസുമാണ് അറസ്റ്റിലായിരിക്കുന്നത്. മറ്റ് പ്രതികള്ക്കു വേണ്ടി തിരച്ചില് നടക്കുകയാണ്.
