ദില്ലി:കടം വാങ്ങിയ പണം തിരികെ കൊടുക്കാന് വൈകിയെന്നാരോപിച്ച് വ്യാപാരിയോട് ക്രൂരത.
നോയിഡയിലെ പച്ചക്കറി മാര്ക്കറ്റില് വെള്ളുത്തുള്ളി കച്ചവടം നടത്തുന്ന വ്യാപാരിയെ ഒരു സംഘം തല്ലിച്ചതച്ച ശേഷം വസ്ത്രമുരിഞ്ഞ് നഗ്നനാക്കി മാര്ക്കറ്റിലൂടെ നടത്തിച്ചു. രണ്ട് പേരെ പൊലീസ് അറസ്റ്റ് ചെയ്തു. സുന്ദര്, ഭഗന്ദാസ് എന്നിവരായിരുന്നു നോയിഡ പൊലാസിന്റെ പിടിയിലായത്.
ഈ സംഭവം നടന്നത് കഴിഞ്ഞ തിങ്കളാഴ്ച്ചയായിരുന്നു.
വെളുത്തുള്ളി വ്യാപാരി നോയിഡയിലെ ഒരു കമ്മീഷന് ഏജന്റായ സുന്ദറില് നിന്നും വ്യാപാര ആവശ്യത്തിനായി 5600 രൂപ കടം വാങ്ങിയിരുന്നു. വ്യാപാരി പണം വാങ്ങ്ിയത് കഴിഞ്ഞ തിങ്കളാഴ്ച്ച തിരികെ നല്കാമെന്ന വ്യവസ്ഥയിലാണ്. എന്നാല് അന്ന് 2,500 രൂപയേ തിരികെ ഇയാള് കമ്മീഷന് ഏജന്റിന് നല്കിയൊള്ളു. ബാക്കി പണം നല്കാനായി കുറച്ച് സമയം തരണമെന്ന് വ്യാപാരി ആവശ്യപ്പെട്ടു. സഹായികളുമായ് മാര്ക്കറ്റിലേക്കെത്തിയ കമ്മീഷന് ഏജന്റ് വെളുത്തുള്ളി കച്ചവചക്കാരനെ ഒരു കടയിലേക്ക് കൊണ്ടുപോയി വസ്ത്രമുരിഞ്ഞ് വടികൊണ്ട് തല്ലിച്ചതയ്ക്കുകയായിരുന്നു.
ക്രൂരമായി വ്യാപാരിയെ മര്ദിച്ച ശേഷം സംഘം മാര്ക്കറ്റില് നഗ്നനാക്കി നടത്തുകയും ചെയ്തു. ഈ സംഭവത്തിന്റെ വീഡിയോ പ്രചരിച്ചത്തോടെ കര്ശനനടപടി ആവശ്യപ്പെട്ടുകൊണ്ട് പ്രതിഷേധവും ക്യാംപയിനും നടന്നു. ഇതോടെയാണ് പൊലീസ് സംഭവത്തില് കേസെടുത്ത് അന്വേഷണം നടത്തുകയും കമ്മീഷന് ഏജന്റിനെയും സഹായിയേയും അറസ്റ്റ് ചെയ്യുകയും ചെയ്തത്. വ്യാപാരിയെ മര്ദ്ദിച്ച മറ്റുള്ളവര്ക്കായി അന്വേഷണം നടക്കുകയാണെന്നും വീഡിയോ സമൂഹ മാധ്യമങ്ങളില് പ്രചരിപ്പിച്ചവര്ക്കെതിരെയും നടപടി എടുക്കുമെന്നും നോയിഡ പൊലീസ് അറിയിച്ചു.
