തിരുവനന്തപുരം: കേരളത്തില് അനേകം ആള്ക്കാര് ആകാംഷയോടെ കാത്തിരുന്നെങ്കിലും ഇത്തവണയും ഭാഗ്യദേവത് അനുഗ്രഹിച്ചത് അന്യസംസ്ഥാനക്കാരെ ഇത്തവണത്തെ ഓണം ലോട്ടറിയില് ബമ്പറടിച്ചത് അന്യനാട്ടുകാര്ക്ക്. കേരളത്തിലെ ആശുപത്രിയില് ചികിത്സയില് കഴിഞ്ഞിരുന്ന വ്യക്തിയെ കാണാന് എത്തിയപ്പോള് എടുത്ത മൂന്ന് ടിക്കറ്റുകളില് ഒന്നിനായിരുന്നു ഭാഗ്യം വന്നത്.
തുടര്ച്ചയായി മൂന്നാം വര്ഷമാണ് ബംപറിന്റെ സമ്മാനം അന്യസംസ്ഥാനക്കാര് കൊണ്ടുപോകുന്നത്. 2021 ലെ ക്രിസ്മസ് ന്യൂഇയര് ബംപറിന്റെ 12 കോടി അടിച്ചത് തെങ്കാശിയില് നിന്നുള്ള ലോട്ടറി വില്പ്പനക്കാരന് ഷറഫുദ്ദീനായിരുന്നു. 2022 ലെ കേരള ലോട്ടറിയുടെ വിഷു ബംപര് തമിഴ്നാട്ടിലെ കന്യാകുമാരിയിലെ എന് രമേഷിനും പ്രദീപ്കുമാറിനുമായിരുന്നു അടിച്ചത്.
പാലക്കാട് ഏജന്സിയിലെ വാളയാറില് ഗുരുസ്വാമിയുടെ കടയില് നിന്നും ഷീജ എന്ന ഏജന്റ് വിറ്റ ടി.ഇ. 230662 എന്ന നമ്പറിലുള്ള ടിക്കറ്റിനായിരുന്നു 25 കോടി അടിച്ചത്. കോഴിക്കോട് പാളയത്തുള്ള ബാവ ലോട്ടറി ഏജന്സിയാണ് ടിക്കറ്റ് വിറ്റത്. നടരാജന് എന്നയാളാണ് ടിക്കറ്റ് എടുത്തത്. നടരാജന്റേത് ഒഴികെയുള്ള മറ്റു മൂന്ന് പേരുടേയും വിവരങ്ങള് നല്കരുതെന്ന് ഇവര് അഭ്യര്ത്ഥിച്ചു. നാലുപേരും തിരുവനന്തപുരത്തെ ലോട്ടറി വകുപ്പിന്റെ ഓഫീസില് നേരിട്ടു ഹാജരായി.
25 കോടിയുടെ തിരുവോണം ബമ്പര് എടുത്ത ഭാഗ്യവാന്മാര് പടവും പേരും പുറത്തുവിടരുതെന്ന് അപേക്ഷിച്ചിരുന്നു. ഇവരുടെ ആവശ്യം മാനിച്ച് സമ്മാനം നേടിയവരുടെ മുഖം കാണിക്കാതെ നാലുപേരുടെയും കൈകള് മാത്രമുള്ള ചിത്രമാണ് ലോട്ടറി വകുപ്പ് തങ്ങളുടെ ഇന്സ്റ്റാഗ്രാം അക്കൗണ്ടില് നല്കിയിരിക്കുന്നത്.
ഏജന്റിനുള്ള കമ്മീഷനായ പത്തുശതമാനം രണ്ടരക്കോടി രൂപ കുറച്ചതിനും ആദായനികുതി 30 ശതമാനം ഇടാക്കി അടച്ച ശേഷം ബാക്കി 15 കോടി 75 ലക്ഷം രൂപ ഇവര്ക്ക് നല്കും. തുകയില് നിന്നും ആദായനികുതി സര്ചാര്ജ്ജ്, സെസ് എന്നിവ അവരുടെ നികുതി സ്ളാബ് അടിസ്ഥാനമാക്കിയും അടയ്ക്കേണ്ടി വരും. ഏജന്റ് കമ്മീഷന് മേലുള്ള ആദായനികുതി ഏജന്റില് നിന്നും ഈടാക്കും. 50 ലക്ഷത്തിന് മുകളില് ഏജന്റും സര്ചാര്ജ്ജ്, സെസ് എന്നിവ അടയ്ക്കേണ്ടി വരും.
