പാറ്റ്ന: ആണ്കുട്ടികളും പെണ്കുട്ടികളും ഒരുമിച്ചിരിക്കരുതെന്നും സൗഹൃദത്തില് ഏര്പ്പെടരുതെന്നും കര്ശന നിര്ദേശം നല്കി ബീഹാറിലെ ഒരു കോളേജ് വിവാദത്തില്. ബീഹാറിലെ സിവാന് ജില്ലയിലെ ന്യൂനപക്ഷങ്ങള്ക്ക് വേണ്ടിയുള്ള സര്ക്കാര് എയ്ഡഡ് കോളേജായ ഇസ്ളാമിക പിജി കോളേജാണ് വിവാദത്തില് തലയിട്ടിരിക്കുന്നത്. നിര്ദേശത്തിനെതിരേ വനിതാസംഘടനകളും മറ്റും രംഗത്ത് വന്നിട്ടുണ്ട്.
നിയമം ലംഘിക്കുന്നവരെ പുറത്താക്കുമെന്നാണ് ഭീഷണി മുഴക്കിയിരിക്കുന്നത്. അതേസമയം ഓര്ഡര് സംസ്ഥാനത്തെ വലതുപക്ഷ സംഘടനകളുടെ വിദ്വേഷം വിളിച്ചു വരുത്തുകയും ചെയ്തു. കോളേജ് ഗവേണിംഗ് ബോഡി സെക്രട്ടറി, പ്രിന്സിപ്പല് എന്നിവരുടെ പേരിലാണ് ഉത്തരവ്.
ആണ്കുട്ടികളും പെണ്കുട്ടികളും ഒരുമിച്ചിരിക്കുന്നതോ കളിതമാശകള് പറയുന്നതോ പിടക്കപ്പെട്ടാല് അവരുടെ എന്റോള്മെന്റ് ക്യാന്സല് ചെയ്യുമെന്നാണ് ഭീഷണി. ആണ്കുട്ടികള്ക്ക് പ്രാമുഖ്യം നല്കിയിരിക്കുന്ന കോളേജില് അടുത്തകാലത്തായി അഡ്മിഷന് നേടുന്ന വിദ്യാര്ത്ഥിനികളുടെ എണ്ണത്തില് ഗണ്യമായ വര്ദ്ധനവ് വന്നിട്ടുണ്ട്. ഇത് ക്യാംപസിന്റെ അച്ചടക്കത്തെ ബാധിക്കുമോ എന്ന ആശങ്കയാണ് കോളേജ് അധികൃതര്ക്ക്.
സംഭവം വിവാദമായതോടെ കുട്ടികള് ക്ളാസ്സുകളില് കയറുന്നുണ്ടെന്ന് ഉറപ്പാക്കാനും ക്യാംപസില് അച്ചടക്കം പാലിക്കാനും വേണ്ടിയാണ് ഈ ഉത്തരവെന്നാണ് കോളേജ് അധികൃതര് പറയുന്നത്. കോളേജ് ഇങ്ങിനെയൊരു തീരുമാനം എടുത്തതിന് പിന്നില് ക്യാംപസില് അടുത്ത കാലത്തുണ്ടായ ഒരു സംഭവമാണ് കാരണമായത്. ഒരു യുവാവിനെ തന്നെ രണ്ടു പെണ്കുട്ടികള് പ്രണയിക്കുകയും ഇവര് വഴക്കിടുകയും ചെയ്തിരുന്നു.
ഇതിന്റെ വീഡിയോ സാമൂഹ്യമാധ്യമങ്ങളില് വൈറലാകുകയും രണ്ടു പെണ്കുട്ടികള്ക്കുമെതിരേ കോളേജ് അച്ചടക്ക നടപടി സ്വീകരിക്കുകയും ചെയ്തിരുന്നു. അതേസമയം ഏതാണ് തെറ്റ് ഏതാണ് ശരിയെന്ന് പ്രായപൂര്ത്തിയായവര്ക്ക് തിരിച്ചറിയാമെന്നും അത് അവരുടെ ചോയ്സ് ആണെന്നും ഒരുമിച്ചിരുന്ന് തമാശപറയാന് പാടില്ലെന്നത് എന്തു നിയമമാണെന്നും ഓര്ഡറിനെ എതിര്ക്കുന്ന വനിതാസംഘടനകള് ചോദിക്കുന്നു.
