ചെന്നൈ: ഇന്ത്യന് ഓപ്പണര് ശുഭ്മാന് ഗില്ലിന്റെ ഏകദിന ലോകകപ്പ് അരങ്ങേറ്റം വൈകും. ഡങ്കിപ്പനിയെ തുടര്ന്ന് അദ്ദേഹത്തിന്റെ പ്ലേറ്റ്ലെറ്റ് കൗണ്ട് കുറഞ്ഞിരുന്നു. അതിന് പിന്നാലെ ചെന്നൈയുലെ ആശുപത്രിയില് അദ്ദേഹത്തെ വീണ്ടും പ്രവേശിപ്പിക്കുകയുണ്ടായി. അദ്ദേഹത്തിന് ഡങ്കിപ്പനി ബാധിക്കുന്നത് ലോകകപ്പിന് തൊട്ടുമുമ്പായിരുന്നു. ലോകകപ്പില് ഓസ്ട്രേലിയക്കെതിരായ ആദ്യ മത്സരത്തിലും ഗില് കളിച്ചിരുന്നില്ല. പിന്നാലെ അഫ്ഗാനിസ്ഥാനെതിരെയുള്ള മത്സരത്തിലും കളിക്കാനാക്കില്ലായെന്ന് റിപ്പോര്ട്ട് വന്നു.
എന്നാല് ഇപ്പോഴത്തെ സാഹചര്യത്തില് ശനിയാഴ്ച്ച പാകിസ്ഥാനെതിരായ സൂപ്പര് ക്ലാഷിനും ഗില്ലിന് കളിക്കാന് സാധിച്ചേക്കില്ല. 70-80 ശതമാനം ഫിറ്റാണെങ്കിലും ഗ്രൗണ്ടിലെത്താന് ഗില്ലിന് സാധിച്ചേക്കില്ല. ഓസ്ട്രേലിയക്കെതിരെയുള്ള മത്സരത്തില് ഗില്ലിന് പകരമായി ഇഷാന് കിഷനാണ് ഇന്നിംഗ്സ് ഓപ്പണ് ചെയ്തിരുന്നത്. എന്നാല് നേരിട്ട ആദ്യ പന്തില് തന്നെ കിഷന് പുറത്തായിരുന്നു. എന്തായാലും അഫ്ഗാന്, പാകിസ്ഥാന് എന്നിവര്ക്കെതിരെ കിഷന് രോഹിത് ശര്മയ്ക്കൊപ്പം ഓപ്പണ് ചെയ്തേക്കും. അതേ സമയം ബൗളിംഗ് ഡിപ്പാര്ട്ട്മെന്റില് മാറ്റം വന്നേക്കും. ടീമില് മുഹമ്മദ് ഷമിയെ ഉള്്പ്പെടുത്താനുള്ള സാധ്യത കൂടുതലാണ്.
അങ്ങനെ വന്നാല് ആര് അശ്വിനോ കുല്ദീപ് യാദവോ പുറത്തിരുന്നേക്കും. ദില്ലിയില് നടന്ന ആദ്യ ആദ്യ മത്സരത്തില് ശ്രീലങ്കന് സ്പിന്നര് അടിമേടിച്ചിരുന്നു. ദക്ഷിണാഫ്രിക്ക.ുടെ കേശവ് മഹാരാജ് 62 റണ്സ് വഴങ്ങിയിരുന്നു. കൂടാതെ രണ്ട് വിക്കറ്റും വീഴ്ത്തിയിരുന്നു. ഇരു ടീമുകളും അന്ന് കൂടുതല് പേസര്മാരെ ഉള്പ്പെടുത്തിയാണ് കളിച്ചിരുന്നത്. രോഹിത് ശര്മ (ക്യാപ്റ്റന്), ഇഷാന് കിഷന്, വിരാട് കോലി, ശ്രേയസ് അയ്യര്, കെ എല് രാഹുല്, ഹാര്ദിക് പാണ്ഡ്യ, രവീന്ദ്ര ജഡേജ, ആര് അശ്വിന് / മുഹമ്മദ് ഷമി, കുല്ദീപ് യാദവ്, മുഹമ്മദ് സിറാജ്, ജസ്പ്രിത് ബുമ്ര എന്നിവരാണ് അഫ്ഗാനിസ്ഥാനെതിരെ ഇന്ത്യയുടെ സാധ്യതാ ഇലവന്.
