ചിലര്ക്ക് പര്വ്വതങ്ങള് കയറുന്നത് സാഹസിക യാത്രയാണ്. എന്നാല് പര്വ്വതങ്ങളില് താമസിക്കുന്നവര്ക്കാവട്ടെ അത് അവരുടെ ജീവിതത്തിന്റെ ഭാഗമാണ്. ആയതിനാല് അവര് നടക്കുന്നതിന് തന്നെ ഒരു പ്രത്യേക താളവും വേഗവുമുണ്ടാകും. കഴിഞ്ഞ ദിവസം ഇന്സ്റ്റാഗ്രാമില് പങ്കുവച്ച ഒരു വീഡിയോയില്, ഒരു മനുഷ്യന് കാഴ്ചയില് തന്നെ അതിശയിപ്പിക്കുന്ന ഘടനകളോട് കൂടിയ ചെങ്കുത്തായ മലയിടുക്കുകളിലൂടെ കൈയില് ഭക്ഷണത്തിനുള്ള സാധനങ്ങളുമായി അതിവേഗം നടന്ന് നീങ്ങുന്നത് കാണിച്ചു. 2xv 10 എന്ന ഇന്സ്റ്റഗ്രാം ഉപഭോക്താവ് ആറ് ദിവസങ്ങള് മുമ്പ് പങ്കുവച്ച വീഡിയോ ഇതിനോടകം തന്നെ രണ്ടര ലക്ഷത്തോളം ലൈക്കുകളാണ് സ്വന്തമാക്കിയത്.
സാധാരണയായ ചെറിയ ഒരു മല കയറാന് തന്നെ നമ്മള് പേടാപ്പാട് പെടാറുണ്ട. എന്നാല് മറ്റ് ചിലരാക്കട്ടെ വിനോദം എന്നതിലുപരി ഒരു എക്സര്സൈസിന്റെ ഭാഗമായി കാണുന്നു. അവര്ക്ക് പര്വ്വതങ്ങള് ഒരു അഭിനിവേശമായിരിക്കും. പര്വ്വതങ്ങളിലൂടെയുള്ള നടത്തം ദൈനം ദിന ജീവിതത്തിന്റെ ഭാഗമാക്കുന്നവരും കുറവല്ല, എന്നാല് ഇത്തരക്കാരില് നിന്നും വ്യത്യസ്തമാണ് പര്വ്വതങ്ങളില് താമസിക്കുന്നവര്, അവരെ സംബന്ധിച്ച് താഴ്വാരങ്ങളിലൂടെ നടക്കുന്നത് പോലെ സാധാരണമാണ് പര്വ്വതങ്ങളിലൂടെയുള്ള നടത്തം. കാരണം മറ്റൊന്നുമല്ല ചെറുപ്പകാലം മുതല് താഴ്വാരങ്ങളില് നിന്ന് പര്വ്വതമുകളിലേ വീടുകളിലേക്ക് സാധനങ്ങളുമായി പോകുന്ന ഇത്തരം പര്വ്വതവാസികള്ക്ക് അത് ഒരു ശീലത്തിന്റെയും ജീവിതചര്യയുടേയും ഭാഗമാണ്.
നിരവധി ആളുകല് വീഡിയോയ്ക്ക് താഴെ കുറിപ്പുമായിയെത്തി. ചിലര് ആ മനുഷ്യന്റെ വേഗത കണ്ട് അദ്ദേഹത്തിന് 'പര്വ്വത ആട്', 'സ്പൈഡര്മാന്', 'ന്യൂട്ടന്റെ പിതാവ്' തുടങ്ങിയ പേരുകള് ചാര്ത്തി., ''അവന് അപകടത്തില്പ്പെടാത്തതുപോലെ നടക്കുന്നു'' ഒരാള് എഴുതി. അതേ സമയം മറ്റൊരാളുടെ കുറിപ്പ് 'അവരുടെ ജീവിതത്തിന്റെ സ്വഭാവം ബുദ്ധിമുട്ടുകള്ക്കിടയിലും ഒരുമിച്ച് ജീവിക്കാന് അവരെ നിര്ബന്ധിച്ചുവെന്നായിരുന്നു. വീഡിയോ എവിടെനിന്നാണെന്ന കാര്യത്തില് സ്ഥിരീകരണമില്ല.
Comments