ജയ്പൂര്: സംസ്ഥാനത്തെ വിവിധ ലോക്കറുകളില് 500 കോടിയുടെ കള്ളപ്പണവും 50 കിലോ സ്വര്ണ്ണവും സൂക്ഷിച്ചിട്ടുണ്ടെന്ന് ഞെട്ടിക്കുന്ന വെളിപ്പെടുത്തല് നടത്തി ബിജെപി നേതാവും ലോക്സഭാംഗവുമായ കിറോഡി മീണ. ജെയ്പ്പൂരിലെ സ്വകാര്യ ലോക്കറുകളിലാണ് ഇവ സൂക്ഷിച്ചിരിക്കുന്നതെന്നും പറഞ്ഞു. വാര്ത്താസമ്മേളനത്തിലായിരുന്നു ഇക്കാര്യം പറഞ്ഞത്. അതേസമയം സംസ്ഥാന സര്ക്കാരിനെ താറടിക്കാന് കേന്ദ്രസര്ക്കാരും മീണയും നടത്തുന്ന ശ്രമമാണ് ഇതെന്ന് രാജസ്ഥാന് മുഖ്യമന്ത്രി അശോക് ഗെലോട്ട് പ്രതികരിച്ചു.
ഇതിലെ 50 ലോക്കറുകളില് 10 എണ്ണം പ്രവര്ത്തിക്കുന്നത് ചില ഉദ്യോഗസ്ഥരുമായി ബന്ധപ്പെട്ടാണെന്നും പറഞ്ഞു. സര്ക്കാരിന്റെ റിക്രൂട്ട്മെന്റ് പേപ്പര് ചോര്ച്ച കേസുമായി ബന്ധപ്പെട്ടാണ് ഈ കള്ളപ്പണമെന്നും മീണ പറയുന്നു. സംസ്ഥാന വിവര സാങ്കേതിക അഴിമതിയും ജല് ജീവന് മിഷന് അഴിമതയും ലോക്കറിലിരുപ്പുണ്ടെന്നും പറഞ്ഞു. ഇവിടെ നിന്നും രണ്ടു മണിക്കൂര് മാത്രം ദൂരത്തിലുള്ള എംഐ റോഡിലാണ് ഈ വാണിജ്യ കെട്ടിടമെന്നും ആദായനികുതി വകുപ്പും പോലീസും മറ്റ് ഏജന്സികളും ഇടപെട്ട് ലോക്കറുകള് തുറക്കണമെന്നും പറഞ്ഞു. പോലീസ് സ്ഥലത്തെത്തിയപ്പോള് മീണയും കൂടെയുണ്ടായിരുന്നു. സ്ഥാനപത്തിന്റെ മെയിന് ഗേറ്റ് പോലീസ് സുരക്ഷാ കാരണത്താല് സീല് വെച്ചതായും പറഞ്ഞു.
അതേസമയം ഇത് സര്ക്കാരിനെ നാണം കെടുത്താന് മീണയും കേന്ദ്രവും ചേര്ന്ന് നടത്തുന്ന നാടകയാണെന്നണ് ഗെഹ്ലോട്ട് ആരോപിച്ചത്. 'ലോക്കറുകളുമായി നമുക്കെന്താണ് ചെയ്യേണ്ടത്? അദ്ദേഹം അവിടെ (സ്ഥിരമായി) മാധ്യമങ്ങള്ക്കൊപ്പം പോയി, അവിടെ ഒരു ധര്ണയില് ഇരുന്നു. വാര്ത്തകളില് തുടരാന് അദ്ദേഹം അത്തരം കാര്യങ്ങള് ചെയ്യുന്നു ... അവന് ഋഉ ഓഫീസില് പോകുന്നു, അവന് തെറ്റായ പരാതികള് നല്കുന്നു, വെള്ളിയാഴ്ച രാത്രി ഗെലോട്ട് മാധ്യമപ്രവര്ത്തകരോട് പറഞ്ഞു.
