തൊടുപുഴ: രണ്ടാഴ്ച മുമ്പ് നടന്ന കോളജ് യൂണിയന് തെരഞ്ഞെടുപ്പുമായി ബന്ധപ്പെട്ട് തൊടുപുഴയില് വിദ്യാര്ഥി സംഘര്ഷത്തില് എട്ട് വിദ്യാര്ഥികള്ക്കും മാധ്യമപ്രവര്ത്തകനും പരുക്കേറ്റു. അല് അസ്ഹര് ലോ കോളജിലും തൊടുപുഴ ജില്ലാ ആശുപത്രിയിലും എസ്.എഫ്.ഐ.-എ.ഐ.എസ്.എഫ്. പ്രവര്ത്തകര് തമ്മിലാണ് ഏറ്റുമുട്ടിയത്. സംഘര്ഷത്തിനിടെ ഒരു വിദ്യാര്ഥിക്ക് നെഞ്ചക്കിന് അടിയേറ്റു.
വിദ്യാര്ഥികളിലൊരാള് കത്തി വീശുകയും ചെയ്തു. സംഭവത്തില് പോലീസ് അഞ്ച് കേസുകള് രജിസ്റ്റര് ചെയ്തു. കണ്ടാലറിയാവുന്ന 15 പേരടക്കം 35 പേര്ക്കെതിരെയാണ് പോലീസ് കേസെടുത്തിരിക്കുന്നത്. എ.ഐ.എസ്.എഫ്. പ്രവര്ത്തകരായ ഹരികൃഷ്ണന്, ഹെവന് വര്ഗീസ്, ഷൗക്കത്ത് അലി, അലക്സ്, യാസീന്, െഫെസല്, മാഹി, ആരിഫ് എന്നിവര്ക്കും എസ്.എഫ്.ഐ.പ്രവര്ത്തകരായ തന്വീര്, അക്ബര് അലി, ചെറിയാന് എന്നിവര്ക്കാണ് പരുക്കേറ്റത്. പുറത്തു നിന്നെത്തിയ എസ്.എഫ്.ഐ.പ്രവര്ത്തകരാണ് തങ്ങളെ അക്രമിച്ചതെന്ന് എ.ഐ.എസ്.എഫ്.പ്രവര്ത്തകര് ആരോപിച്ചു. എന്നാല് എ.ഐ.എസ്.എഫ്. പ്രവര്ത്തകര് മനപൂര്വം പ്രകോപനം സൃഷ്ടിക്കുകയായിരുന്നെന്നും അക്രമികളില് കാമ്പസ് ഫ്രണ്ട് പ്രവര്ത്തകര് ഉണ്ടായിരുന്നുവെന്ന് എസ്.എഫ്.ഐ ആരോപിച്ചു.
ആശുപത്രിയില് നടന്ന സംഘര്ഷത്തിനിടെയാണ് ചിത്രങ്ങള് പകര്ത്താനെത്തിയ ഇന്ത്യന് എക്സ്പ്രസ് ഫോട്ടോഗ്രാഫര് ഷിയാസ് ബഷീറിന് പരുക്കേറ്റത്. കോളജ് യൂണിയന് തെരഞ്ഞെപ്പിനെ ചൊല്ലി ഇന്നലെ ഉച്ചക്ക് 12.30-ഓടെ ഉണ്ടായ തര്ക്കമാണ് സംഘര്ഷത്തില് കലാശിച്ചത്. മുമ്പ് എസ്.എഫ്.ഐ.യില് പ്രവര്ത്തിച്ചിരുന്ന ചില വിദ്യാര്ഥികള് എ.ഐ.എസ്.എഫില് ചേര്ന്ന് തെരഞ്ഞെടുപ്പില് മത്സരിച്ചതാണ് തര്ക്കത്തിന് കാരണമായത്. തര്ക്കത്തിനിടെ എ.ഐ.എസ്.എഫ് പ്രവര്ത്തകരില് ഒരാള് കത്തിവീശി. ഇതോടെയാണ് സംഘര്ഷമുണ്ടായതെന്ന് തൊടുപുഴ പോലീസ് പറഞ്ഞു. പരുക്കേറ്റ ഇരു വിഭാഗത്തിലെയും വിദ്യാര്ഥികള് തൊടുപുഴ ജില്ലാ ആശുപത്രിയില് ചികിത്സ തേടി.
കോളജിലെ സംഘര്ഷ വിവരമറിഞ്ഞ് തൊടുപുഴ മേഖലയിലെ മറ്റ് കോളജുകളില് നിന്ന് കൂടുതല് വിദ്യാര്ഥികള് ജില്ലാ ആശുപത്രിയിലെത്തി. തുടര്ന്ന് ആശുപത്രിയില് മൂന്ന് തവണ ഇരു വിഭാഗങ്ങളും തമ്മില് ഏറ്റുമുട്ടി. ഇതോടെ രോഗികളും കൂട്ടിരിപ്പുകാരും ആശുപത്രി ജീവനക്കാരും ഉള്പ്പെടെ ഭയന്ന് നിലവിളിക്കുന്ന സാഹചര്യമുണ്ടായി. സംഭവമറിഞ്ഞ് തൊടുപുഴ പോലീസ് സ്ഥലത്തെത്തിയാണ് സംഘര്ഷം നിയന്ത്രണ വിധേയമാക്കിയത്. പോലീസ് എത്തിയപ്പോഴേക്കും പുറമേ നിന്നെത്തിയ വിദ്യാര്ഥികളില് പലരും രക്ഷപ്പെട്ടു. ഇതിനുശേഷം പരുക്കേറ്റ എ.ഐ.എസ്.എഫ് പ്രവര്ത്തകരില് നിന്ന് വിവരശേഖരണം നടത്തുന്നതിനിടെ പോലീസ് പക്ഷഭേദം കാട്ടുന്നു എന്നാരോപിച്ച് ഒരു കൂട്ടം വിദ്യാര്ഥികള് രംഗത്ത് വന്നു. ഇത് പോലീസും വിദ്യാര്ഥികളും തമ്മില് രൂക്ഷമായ വാക്കേറ്റത്തിനും ഉന്തിനും തള്ളിനും കാരണമായി.
ഇത് ചിത്രീകരിക്കുന്നതിനിടെയാണ് പത്ര ഫോട്ടോഗ്രഫര് ഷിയാസ് ബഷീറിന് നേരെ അതിക്രമമുണ്ടായത്. എ.ഐ.എസ്.എഫ് ജില്ലാ ജോയിന്റ് സെക്രട്ടറി ഡെല്വിന് അഗസ്റ്റിന് ക്യാമറ തട്ടി തെറിപ്പിച്ച ശേഷം തന്റെ മുഖത്തിന് െകെമുട്ടുകൊണ്ട് ഇടിക്കുകയായിരുന്നുവെന്ന് ഷിയാസ് പറഞ്ഞു. ഇതിന് ശേഷം ഇയാള് ഓടി രക്ഷപ്പെടുകയായിരുന്നു. മുഖത്തിന് പരുക്കേറ്റ് രക്തമൊഴുകിയ ഷിയാസ് ബഷീറിന് ആശുപത്രിയില്നിന്ന് പ്രാഥമിക ശുശ്രൂഷ നല്കി.
