കൊച്ചി: അതിഥി തൊഴിലാളികളുടെ മക്കള്ക്ക് നേരെ ഉയരുന്ന ലൈംഗിക പീഡനങ്ങള് എറണാകുളത്ത് തുടര്ക്കഥയാകുന്നത് ആശങ്കയ്ക്ക് കാരണമാകുന്നു. പത്തുലക്ഷത്തിലധികം അന്യസംസ്ഥാനക്കാര് പണിയെടുക്കുന്ന എറണാകുളം ജില്ലയില് മനസ്സാക്ഷിയെ ഞെട്ടിക്കുന്ന ഇത്തരം കേസുകള് പെരുകുകയാണ്. എറണാകുളം റൂറല് പോലീസിന്റെ പരിധിയില് മാസങ്ങള്ക്കിടയില് തുടര്ച്ചയായി മൂന്ന് കേസുകളില് രണ്ടെണ്ണത്തില് അന്യസംസ്ഥാനക്കാരും ഒരെണ്ണത്തില് തിരുവനന്തപരും സ്വദേശിയുമായിരുന്നു പ്രതികള്.
ജൂലൈ 29 നായിരുന്നു ആദ്യകേസ് റിപ്പോര്ട്ട് ചെയ്തത്. നീതികുമാരി മഞ്ജയ് കുമാര് ദമ്പതികളുടെ അഞ്ചുവയസ്സുകാരിയായ മകളെ ആലുവയില് കൊന്നു ചാക്കിലാക്കിയ നിലയില് കണ്ടെത്തുകയായിരുന്നു. തായികാട്ടുകര ഗാരേജ് റെയില്വേ ഗേറ്റിന് സമീപത്തെ വാടകവീട്ടില് നിന്നും പെണ്കുട്ടിയെ ആസാംകാരനായ അഷ്ഫാഖ് ആലം തട്ടിക്കൊണ്ടുപോകുകയും ബലാത്സംഗം ചെയ്ത് കൊലപ്പെടുത്തുകയുമായിരുന്നു.
ഒരു മാസം പിന്നിട്ടപ്പോള് എട്ടുവയസ്സുകാരിയാണ് തട്ടിക്കൊണ്ടു പോകലിന് ഇരയായത്. ബിഹാറില് നിന്നുള്ള ദമ്പതികളുടെ മകള് ഉറങ്ങിക്കിടക്കുമ്പോള് തട്ടിക്കൊണ്ടുപോകുകയും തൊട്ടടുത്ത എടയപ്പുറത്തിന് സമീപത്തെ വീട്ടില് കൊണ്ടുപോയി പീഡിപ്പിക്കുകയുമായിരുന്നു. തിരുവനന്തപുരം ചെങ്കല് സ്വദേശിയായ സതീഷ് രാജ് എന്ന് വിളിക്കപ്പെടുന്ന ക്രിസ്റ്റല് രാജായായിരുന്നു പ്രതി.
പെരിയാര് നദിയില് ചാടി രക്ഷപ്പെടാന് ശ്രമിച്ചെങ്കിലൂം ഇയാളെയും പിടികുടി. മൂന്നാമത്തെ സംഭവം പെരുമ്പാവൂര് പ്ളൈവുഡ് ഫാക്ടറിയിലാണ് അരങ്ങേറിയത്. മൂന്നര വയസ്സുള്ള പെണ്കുട്ടിയെ 19 വയസ്സുള്ള ആസ്സാംകാരന് സാജാലാല് ആയിരുന്നു ലൈംഗികമായി പീഡിപ്പിച്ചത്. മണിക്കൂറുകള്ക്കകം ഇയാള് അറസ്റ്റിലായി. പ്രതികള് പിടികൂടപ്പെട്ടെങ്കിലൂം സംസ്ഥാനത്ത് അന്യസംസ്ഥാന തൊഴിലാകള് ഉള്പ്പെട്ട ക്രിമിനല് കേസുകളുടെ എണ്ണം കൂടുന്നതായി കാണാനാകും.
ഈ വര്ഷം ആഗസ്റ്റ് വരെ അന്യസംസ്ഥാന തൊഴിലാളികള് പ്രതികളായ 1336 കേസുകളാണ് കേരളാ പോലീസ് റജിസ്റ്റര് ചെയ്തത്. കഴിഞ്ഞ വര്ഷം ഈ സമയം വരെ ഇത് 1348 ആയിരുന്നു. 2021 ല് 641 കേസുകളും റിപ്പോര്ട്ട് ചെയ്യപ്പെട്ടു. ഈ വര്ഷം റജിസ്റ്റര് ചെയ്ത കേസുകളില് 22 എണ്ണം കൊലപാതകമാണ്. ഇത് കഴിഞ്ഞ വര്ഷം 24 ഉും അതിന് മുമ്പത്തെ വര്ഷം 17 ഉം ആയിരുന്നു റിപ്പോര്ട്ട് ചെയ്യപ്പെട്ട കേസുകള്.
സ്ത്രീകള്ക്കെതിരായ കുറ്റകൃത്യങ്ങളുടെ കുടിയേറ്റ തൊഴിലാളികള് ഉള്പ്പെട്ട 35 കേസുകള് ഈ വര്ഷം രജിസ്റ്റര് ചെയ്തു, 2022 ലും 2021 ലും 78 കേസുകളാണ് റിപ്പോര്ട്ട് ചെയ്യപ്പെട്ടത്. 2022-ല് 83 കേസുകളും 2021 ല് 64 കേസുകളുമായിരുന്നു. ഈ കണക്കുകള് അനുസരിച്ച്, കുടിയേറ്റ തൊഴിലാളികള്ക്ക് ഇവിടുത്തെ ജോലിക്ക് അതത് സംസ്ഥാനങ്ങളില് നിന്നുള്ള പോലീസ് ക്ലിയറന്സ് സര്ട്ടിഫിക്കറ്റ് നിര്ബന്ധമാക്കാന് കേരള സര്ക്കാര് തീരുമാനിച്ചു. വ്യക്തിക്ക് ക്രിമിനല് ചരിത്രമില്ലെന്നതിന്റെ ഔദ്യോഗിക തെളിവായി പിസിസി പ്രവര്ത്തിക്കും.
എറണാകുളം റൂറല് പോലീസ് പരിധിയില് മാത്രം 1.2 ലക്ഷം കുടിയേറ്റ തൊഴിലാളികളുണ്ട്. അവരുടെ പശ്ചാത്തലം പരിശോധിക്കാനും പോലീസ് ആലോചിക്കുകയാണ്. കുടിയേറ്റ തൊഴിലാളികളില് മിക്കവര്ക്കും താങ്ങാന് കഴിയുന്ന ഭവനങ്ങളുടെ അഭാവമാണ് പ്രധാന കാരണളില് ഒന്നായി കണക്കാക്കപ്പെടുന്നത്. മിക്ക അതിഥി തൊഴിലാളികളും കുടുംബവുമായി താമസിക്കാന് ആഗ്രഹിക്കുന്നവരാണ്. എന്നാല് ഇവര്ക്ക് തങ്ങളുടെ ബജറ്റില് നില്ക്കുന്ന വീട് കിട്ടാന് പ്രയാസമാകുന്നത് മോശവും സുരക്ഷിതത്വമില്ലാത്തതുമായ താമസസ്ഥലത്ത് കുട്ടികളെ വളര്ത്തേണ്ട സാഹചര്യം സൃഷ്ടിക്കാന് കാരണമാകുന്നെന്നാണ് ഇക്കാര്യത്തില് സാമൂഹിക പ്രവര്ത്തകര് ചൂണ്ടിക്കാണിക്കുന്നത്.
