ക്രിക്കറ്റ് പ്രേമികള്ക്ക് എന്നും ആവേശമാണ് മുന് ഇന്ത്യന് ക്രിക്കറ്റര് യുവരാജ് സിംഗ്. മുൻ ഇന്ത്യൻ ഫാസ്റ്റ് ബൗളറും പഞ്ചാബി സിനിമാ താരവുമായ യോഗ്രാജ് സിംഗിന്റെ മകന് കൂടിയായ യുവരാജ് സിംഗ് എന്നും ക്രിക്കറ്റ് പ്രേമികള്ക്ക് ആവേശമായിരുന്നു. ക്രിക്കറ്റില് നിന്ന് വിരമിച്ചിട്ടും യുവരാജ് സിംഗിനോടുള്ള ആരാധനയും ഇഷ്ടവും ഒട്ടു കുറഞ്ഞിട്ടില്ല. ഫീല്ഡില് മാത്രമല്ല സ്വന്തം ജീവിതത്തിലും കാന്സര് എന്ന രോഗത്തോട് പട പൊരുതിയാണ് താരം തിളങ്ങിയത്. സോഷ്യല് മീഡിയയിലും സജീവമായ താരം എല്ലാ വിശേഷങ്ങളും അതിലൂടെ പങ്കിടാറുണ്ട്. സിനിമാതാരമായ ഹേസല് കീച്ചുമായുള്ള പ്രണയവും വിവാഹവും പിന്നീട് രണ്ടു കുട്ടികളുടെ അച്ഛനായ സന്തോഷവുമെല്ലാം താരം സോഷ്യല് മീഡിയയിലൂടെയാണ് പങ്കിട്ടത്. ഇപ്പോഴിതാ യുവരാജ് സിംഗ് തന്റെ അമ്മയായ ശബ്നം സിംഗിന് ജന്മദിനാശംസ നേരുകയാണ് താരം. ക്രിക്കറ്റുമായി ബന്ധപ്പെടുത്തി ഹൃദയസ്പര്ശിയായ വരികളിലൂടെയാണ് താരം അമ്മയ്ക്ക് ജന്മദിനാശംസ കുറിച്ചത്. ‘‘എന്റെ ജീവിതത്തിലെ ‘ഓൾറൗണ്ടർക്ക്’ ജന്മദിനാശംസകൾ മാതാ! ഓരോ തവണയും ഞാൻ പതറുമ്പോൾ എന്നെ ‘ക്യാച്ച്’ ചെയ്തതിന്, കാലിടറിയിപ്പോള് എനിക്ക് വേണ്ടി ‘ബാറ്റ്’ ചെയ്തതിന്, സ്നേഹത്തോടും കരുതലോടും കൂടെ എന്നെ എപ്പോഴും ‘ബൗളിംഗ്’ ചെയ്തതിനും... എല്ലായ്പ്പോഴും സ്നേഹം മാത്രം...’’ എന്നാണ് അമ്മയ്ക്കൊപ്പമുള്ള ചിത്രത്തിന്റെ കൂടെ യുവരാജ് സിംഗ് കുറിച്ചത്.
