ലോകപ്പില് കൊല്ക്കത്തയില് നടക്കാനിരിക്കുന്ന മത്സരത്തില് ഇന്ത്യയെ തോല്പ്പിക്കുമെന്ന് ദക്ഷിണാഫ്രിക്ക. ഇന്ത്യയെ മുമ്പും അവിടെ തോല്പ്പിച്ചിട്ടുണ്ടെന്നും ലോകകപ്പിന്റെ സമ്മര്ദ്ദത്തെ അതിജീവിക്കാന് കഴിഞ്ഞാല് രോഹിതശര്മ്മയെയും കൂട്ടരെയും പരതാജയപ്പെടുത്തുമെന്നും ദക്ഷിണാഫ്രിക്കന് ബാറ്റര് റാസി വാന് ഡെര് ഡസ്സന് പറഞ്ഞു. ലോകകപ്പില് ഇതുവരെ കളിച്ച എല്ലാ മത്സരങ്ങളും ജയിച്ച് സെമി ഉറപ്പിച്ച ടീം ഇന്ത്യയാണ്. ദക്ഷിണാഫ്രിക്ക ഏഴില് ആറു മത്സരങ്ങളില് ജയം നേടി.
ഞായറാഴ്ച കൊല്ക്കത്തയിലെ ഈഡന് ഗാര്ഡന്സിലാണ് ഇന്ത്യാ - ദക്ഷിണാഫ്രിക്ക മത്സരം നടക്കുന്നത്. ഈ മത്സരമാണ് ടേബിളില് ആരാണ് ടോപ്പറാകുക എന്ന് നിശ്ചയിക്കുന്നത്. '' മത്സരത്തിന്റെ സമ്മര്ദ്ദം നിയന്ത്രിക്കാന് കഴിഞ്ഞാല് പ്രോട്ടീസ് രോഹിത് ശര്മ്മയെയും കൂട്ടരെയും പരാജയപ്പെടുത്തും ഇന്ത്യയില് ഇന്ത്യ കളിക്കുക എന്നത് ഒരു വലിയ സംഭവമാണ്. അവര് നന്നായി കളിക്കുന്നു. അവര്ക്ക് എല്ലാ അടിത്തറയും ഉണ്ട്, മികച്ച ബൗളിംഗ് ആക്രമണവും, വ്യക്തമായും ബാറ്റിംഗും. അവരുടെ ടീമില് ധാരാളം അനുഭവപരിചയമുള്ളവരുണ്ട്.'' അദ്ദേഹം പറഞ്ഞു.
''എന്നാല് വീണ്ടും, ഞങ്ങള് ചെയ്യാന് ആഗ്രഹിക്കുന്ന കാര്യങ്ങള് നന്നായി ചെയ്യാനായാല് ഞങ്ങള് ശരിക്കും ശക്തമായ നിലയിലായിരിക്കും. ആ നിലയില് തന്നെ ഞങ്ങള് ആ ഗെയിമിലേക്ക് പോകും. സമ്മര്ദ്ദത്തിന് വിധേയരാകാതിരിക്കുക, വിജയത്തിനൊപ്പം നില്ക്കുക എന്നതാണ് വെല്ലുവിളി. അതാണ് ഞങ്ങള് ചെയ്യാന് നോക്കുന്നതും. പക്ഷെ ഞങ്ങള് അവരെ ഇവിടെ മുമ്പ് നേരിടുകയും തോല്പ്പിക്കുകയും ചെയ്തിട്ടുണ്ട്. അങ്ങിനെ നോക്കുമ്പോള് ലോകകപ്പ് ആണെങ്കിലും, കാര്യങ്ങള് വ്യത്യസ്തമല്ല.'' അദ്ദേഹം കൂട്ടിച്ചേര്ത്തു.
2023 ലോകകപ്പിലെ അവര് ഇന്ത്യയ്ക്കൊപ്പം ഫേവറിറ്റുകളായി മാറിയിരിക്കുന്ന ടീമാണ് ദക്ഷിണാഫ്രിക്കയും. ടെംബ ബാവുമയുടെ നേതൃത്വത്തിലുള്ള ടീം ആറ് മത്സരങ്ങള് ജയിക്കുകയും ഒരു കളിയില് മാത്രം തോല്ക്കുകയും ചെയ്തു. ഏകദിന ലോകകപ്പ് ചരിത്രത്തില് ഇന്ത്യയും ദക്ഷിണാഫ്രിക്കയും അഞ്ച് മത്സരങ്ങളില് ഏറ്റുമുട്ടിയിട്ടുണ്ട്. ഇതില് ഇന്ത്യ രണ്ട് വിജയങ്ങള് നേടി. മൂന്ന് തവണ പ്രോട്ടീസ് ഒന്നാമതെത്തി. കൂടാതെ ഇന്ത്യ പോസ്റ്റ് ചെയ്ത ഏറ്റവും ഉയര്ന്ന ടോട്ടല് 307 ഉം ദക്ഷിണാഫ്രിക്കയുടെ ഏറ്റവും ഉയര്ന്ന സ്കോര് 300 ഉം ആണ്. അതേസമയം, 177 ദക്ഷിണാഫ്രിക്കയുടെ ഏറ്റവും കുറഞ്ഞ സ്കോറും ഇന്ത്യയുടെ 180 ഉം ആണ്.
