കുടുംബപ്രേക്ഷകരുടെ മനസ്സില് വര്ഷങ്ങളായി നിത്യഹരിത നായകനായി തുടരുന്ന താരമാണ് ശരത് ദാസ്. അന്നുമിന്നും താരത്തിന് മധുരപ്പതിനേഴാണെന്നാണ് മിനിസ്ക്രീന് പ്രേക്ഷകരുടെ അഭിപ്രായം. 993 മുതല് അഭിനയ രംഗത്ത് സജീവമായ ശരത് നിരവധി സീരിയലുകളില് മാത്രമല്ല സിനിമകളിലും തിളങ്ങിയിട്ടുണ്ട്. നായക കഥാപാത്രങ്ങള് മാത്രമല്ല ചെറുതും വലുതുമായി ഒട്ടനവധി കഥാപാത്രങ്ങളെ ശരത് മികച്ചതാക്കിയിട്ടുണ്ട്. ഇപ്പോഴിതാ നടനും അവതാരകനുമായി ജിപി എന്ന ഗോവിന്ദ് പത്മസൂര്യയ്ക്കും അഭിനേത്രി ഗോപികയ്ക്കും ഒപ്പമുള്ള ചിത്രവും രസകരമായ കുറിപ്പും പങ്കിട്ടിരിക്കുകയാണ് ശരത്. ജിപിയും ഗോപികയും തമ്മിലുള്ള വിവാഹം അടുത്തിടെ ഉറപ്പിച്ചിരുന്നു. ഈ വിവാഹം പ്രണയമാണോ എന്ന് പലരും തിരക്കിയിരുന്നു, ഇതേ കാര്യം തന്നെയാണ് ശരതും ഫെയ്സ്ബുക്കില് കുറിച്ചിരിക്കുന്നത്. രണ്ടുപേരും ഈ 'സന്തോഷരഹസ്യം' ഉള്ളില് സൂക്ഷിക്കുകയായിരുന്നോ എന്നാണ് ശരത് കുറിച്ചിരിക്കുന്നത്. ‘‘പ്രിയ ജി പി & ഗോപിക....അന്ന് നിങ്ങളുടെ തൊട്ടടുത്തിരുന്ന് ഈ ഫോട്ടോസ് എടുക്കുമ്പോൾ, എനിക്കും അറിയില്ലായിരുന്നു ,നിങ്ങൾ രണ്ടുപേരും ഈ ‘സന്തോഷരഹസ്യം’ ഉള്ളിൽ സൂക്ഷിക്കുകയായിരുന്നു എന്ന്... ഹാപ്പി ഫോര് ബോത്ത് ഓഫ് യൂ...’’ എന്നാണ് ശരത് ഇവര്ക്കൊപ്പമുളള ചിത്രത്തിന്റെ കൂടെ കുറിച്ചത്.
