ഇടുക്കി: നെടുങ്കണ്ടത്ത് വാക്കുതര്ക്കത്തിനിടെ കോണ്ഗ്രസ് പ്രവര്ത്തകനെ കുത്തിപ്പരിക്കേല്പ്പിച്ച കേരള കോണ്ഗ്രസ് (എം) സംസ്ഥാന സമിതിയംഗത്തെ എല്ലാ പാര്ട്ടി ചുമതലകളില് നിന്നും നീക്കി. കോണ്ഗ്രസ് പ്രവര്ത്തകന് ഫ്രിജോ ഫ്രാന്സിസിനെ ആക്രമിച്ച കേസില് ജിന്സണ് പൗവത്തിലിനെ പോലീസ് അറസ്റ്റു ചെയ്തിരുന്നു. ഇതിനു പിന്നാലെയാണ് ജിന്സനെ പാര്ട്ടി ചുമതലകളില് നിന്ന് നീക്കിയതായി കേരള കോണ്ഗ്രസ് (എം) ഇടുക്കി ജില്ലാ പ്രസിഡന്റ് അറിയിച്ചത്.
നാളെ നടക്കാനിരിക്കുന്ന മലനാട് കാര്ഷിക വികസന ബാങ്ക് തിരഞ്ഞെടുപ്പുമായി ബന്ധപ്പെട്ട തര്ക്കമാണ് അക്രമത്തില് കലാശിച്ചത്. ഇന്നലെ അര്ദ്ധരാത്രി ഒരു മരണവീടിനു സമീപമായിരുന്നു വഴക്ക് നടന്നത്.
ആക്രമണത്തെ യുഡിഎഫ് എല്ഡിഎഫിനെതിരെ രാഷ്ട്രീയ ആയുധമാക്കിയതോടെ ജിന്സണ് പൗവത്തിലിനെതിരെ പാര്ട്ടി നടപടിയിലേക്ക്് കടക്കുകയായിരുന്നു.
