കൊച്ചി: നവകേരള സദസ്സില് കുട്ടികളെ പങ്കെടുപ്പിക്കാനും സ്കൂള് ബസ് വിട്ടുനല്കാനുള്ള ഉത്തരവ് പിന്വലിച്ചതായി സര്ക്കാര് ഹൈക്കോടതിയില്. ഇതോടെ ഇതു സംബന്ധിച്ച ഹര്ജികള് ജസ്റ്റീസ് ദേവന് രാമചന്ദ്രന്റെ ബെഞ്ച് തീര്പ്പാക്കി. സ്കൂള് ബസുകള് വിട്ടുനല്കാനുള്ള വിദ്യാഭ്യാസ വകുപ്പിന്റെ ഉത്തരവിനെതിരെ കാസര്ഗോഡ് സ്വദേശിയായ ഒരു രക്ഷിതാവും സ്കൂള് കുട്ടികളെ പങ്കെടുപ്പിക്കാനുള്ള മലപ്പുറം ജില്ലാ വിദ്യാഭ്യാസ വകുപ്പിന്റെ നിര്ദേശത്തിനെതിരെ എംഎസ്എഫ് നേതാവുമാണ് കോടതിയെ സമീപിച്ചത്.
ഏത് സാഹചര്യത്തിലാണ് ഇത്തരത്തിലുള്ള ഉത്തരവുകള് ഇറങ്ങിയതെന്ന് ആരാഞ്ഞ കോടതി, കുട്ടികളെ ചൂഷണം ചെയ്യുന്നത് അംഗീകരിക്കാനാവില്ലെന്നും ചൂണ്ടിക്കാട്ടി.
