കൊല്ലം: നിയമം കാറ്റില്പ്പറത്തി സംസ്ഥാന വ്യാപകമായി ഇതര സംസ്ഥാന ലോട്ടറി വില്പന. നാഗാലന്ഡ് സംസ്ഥാനത്തിന്റെ ലേബലില് ''ഡിയര് വീക്കിലി ലോട്ടറി''യുടെ പേപ്പര് ടിക്കറ്റാണ് രഹസ്യമായി വിറ്റഴിക്കുന്നത്.
അഞ്ചു ടിക്കറ്റുള്ള ഒരു ബുക്കിന് 30 രൂപയാണ് വില. സാധാരണക്കാരും തൊഴിലാളികളും ഇതര സംസ്ഥാന തൊഴിലാളികളും ഒത്തുകൂടുന്ന ഇടങ്ങളിലാണ്, ലോട്ടറി മാഫിയയുടെ ചെറുകിട ഏജന്റുമാര് നാഗാലന്ഡ് ലോട്ടറി വന് തോതില് വിറ്റഴിക്കുന്നത്. നറുക്കെടുപ്പു ദിവസം െവെകിട്ട് വാട്സ് ആപ്പിലൂടെയും ഓണ്െലെന് ചാനല് വഴിയും ഫലം ലഭിക്കും. ഒരു ടിക്കറ്റിന് ആറു രൂപ എന്നാണ് രേഖപ്പെടുത്തിയിരിക്കുന്നത്.
ഒരു കോടി രൂപയാണ് ഒന്നാം സമ്മാനം. 10 രൂപ മുതലുള്ള സമ്മാനമുണ്ട്. മൂന്നക്ക നമ്പര് മുതല് സമ്മാനം ലഭിക്കുന്നവരെ ഏജന്റുമാര് വാട്സ് ആപ്പ് വഴി അറിയിക്കും. ടിക്കറ്റ് വാങ്ങുന്നവരുടെ വാട്സ് ആപ്പ് നമ്പര് വില്പന സമയത്ത് ശേഖരിച്ചാണ് ഇതു സാധ്യമാക്കുന്നത്.
കേരള ലോട്ടറി വാട്സ് ആപ്പ് വഴി വില്പന നടത്തുന്ന സംഘവും പ്രവര്ത്തിക്കുന്നുണ്ട്. സ്ഥിരമായി ടിക്കറ്റ് വാങ്ങുന്നവര്ക്ക് വാട്സ് ആപ്പ് വഴി ലോട്ടറി നമ്പര് കൊടുത്താണ് വില്പന. ഒരേ നമ്പര് പലര്ക്കു കൊടുത്ത് ഇക്കൂട്ടര് വന് ലാഭം നേടുകയും ചെയ്യുന്നു.
ചെറിയ സമ്മാനങ്ങള് വാങ്ങുന്നയാളുടെ ഓണ്െലെന് അക്കൗണ്ടിലൂടെ ഇവര്തന്നെ നല്കും. ഒന്നാം സമ്മാനം പോലുള്ള വലിയ സമ്മാനം ലഭിച്ചാല് വില്പനക്കാര് മുങ്ങും. പേപ്പര് ലോട്ടറി ആക്ട് പ്രകാരം പ്രവര്ത്തിക്കുന്ന കേരള ലോട്ടറി ഓണ്െലെന് വഴി വില്പന നടത്തരുതെന്നാണ് നിയമം. ഇതര സംസ്ഥാന ലോട്ടറികള് കേരളത്തില് വില്ക്കാന് പാടില്ലെന്നും നിയമമുണ്ട്.
നികുതി വെട്ടിച്ചു ലോട്ടറി വില്പന നടത്തിയെന്നും ഫലപ്രഖ്യാപനത്തിലെ തിരിമറി ആരോപിച്ചുമാണ് വര്ഷങ്ങള്ക്ക് മുമ്പു സംസ്ഥാന സര്ക്കാര് ഇതര സംസ്ഥാന ലോട്ടറി നിരോധിച്ചത്. ഇക്കാര്യത്തില് സി.ബി.ഐയും അന്വേഷണം നടത്തിയിരുന്നു.
