കൊച്ചി: നടിയെ ആക്രമിച്ച കേസില് ദിലീപിന് തിരിച്ചടി നല്കിക്കെണ്ട് അതിജീവിതയുടെ ഹര്ജിയ്ക്ക് ഹൈക്കോടതിയുടെ അംഗീകാരം. കേസിലെ മെമ്മറി കാര്ഡിന്റെ ഹാഷ് വാല്യൂ മാറിയതില് അന്വേഷണത്തിന് കോടതി ഉത്തരവിട്ടു. ഇക്കാര്യം ജില്ലാ സെഷന്സ് ജഡ്ജി അന്വേഷിക്കണമെന്നും ആവശ്യമെങ്കില് പോലീസിന്റെ ഉള്പ്പെടെ പുറത്തു നിന്നുള്ള സഹായം തേടാമെന്നും കോടതി പറഞ്ഞു.
കേസ് വിചാരണ അവസാന ഘട്ടത്തിലേക്ക് കടന്നിരിക്കെയാണ് നടിയുടെ ഹര്ജിയില് കോടതി വിധി ഉണ്ടായിരിക്കുന്നത്. ഒരു മാസത്തിനുള്ളില് അന്വേഷണം പൂര്ത്തിയാക്കണമെന്നും കോടതി പറഞ്ഞു. വിചാരണ വൈകിപ്പിക്കാനുള്ള നീക്കമെന്ന ദിലീപിന്റെ വാദം ഹൈക്കോടതി അംഗീകരിച്ചില്ല. മെമ്മറി കാര്ഡ് കോടതിയുടെ കൈവശം ഇരിക്കെ തന്നെ അതിന്റെ ഹാഷ്വാല്യു മാറിയതില് നടി സംശയം രേഖപ്പെടുത്തിയിരുന്നു.
അപകീര്ത്തികരമായ എട്ടു ദൃശ്യങ്ങളുള്ള മെമ്മറി കാര്ഡ് ചോര്ത്തപ്പെടാനുള്ള സാഹചര്യം തന്റെ വ്യക്തിപരമായ ജീവിതത്തെ ബാധിക്കുന്നതാണെന്നും ആരാണ് അത് അക്സസ് ചെയ്തതെന്ന കാര്യത്തില് അന്വേഷണം വേണമെന്നും നടി ആവശ്യപ്പെടുകയായിരുന്നു. തന്റെ ദൃശ്യങ്ങള് കോപ്പി െചയ്ത് പുറത്തു പോകാനുള്ള സാധ്യതകള് തന്റെ ജീവിതത്തെ ബാധിക്കും എന്ന് അതിജീവിത ഉയര്ത്തിയ ആശങ്ക കോടതി പരിഗണിച്ചു.
അനധികൃത അക്സസ് മെമ്മറി കാര്ഡില് ഉണ്ടായതായി എന്ന ആരോപണമാണ് ഹൈക്കോടതിയുടെ മുന്നിലെത്തിയത്. മൂന്ന് തവണ മെമ്മറികാര്ഡ് പരിശോധിച്ചു എന്നതാണ് വാദം. അങ്കമാലി കോടതി, ജില്ലാ സെഷന്സിലേക്ക് അയച്ചപ്പോള്, സിബിഐ പ്രത്യേക കോടതിയിലും മെമ്മറി കാര്ഡില് അക്സസ്് ഉണ്ടായി. എന്നാല് ഇതിന് വേണ്ടുന്നതായി നടപടിക്രമങ്ങള് പാലിച്ചിട്ടില്ലെന്നും അതിജീവിത കോടതിയില് പറഞ്ഞു.
