ആലപ്പുഴ: കായംകുളത്ത് നവകേരള സദസ്സ് നടക്കുന്ന വേദിയുടെ സമീപത്തുള്ള ഇറച്ചിക്കടകള് മൂടിണമെന്ന വിചിത്രമായ നിര്ദേശവുമായി അധികൃതര്. ഡിസംബര് 16 ന് കായകുളം എല്മസ് ഗ്രൗണ്ടില് വെച്ചാണ് നവകേരളസദസ്സ് നടക്കുന്നത്. വേദിയുടെ 50 മീറ്റര് അകലെയാണ് ഇറച്ചി മാര്ക്കറ്റ്.
നവകേരള സദസ്സ് നടക്കുന്ന സാഹചര്യത്തില് മാര്ക്കറ്റിലെ കടകള് മൂടിയിടാനാണ് അധികൃതരുടെ നിര്ദേശം. സദസിനെത്തുന്ന ജനങ്ങള്ക്ക് ബുദ്ധിമുട്ടാവുമെന്നും ഇതിനാലാണ് ഇത്തരമൊരു നിര്ദേശം നല്കിയതെന്നുമാണ് അധികൃതരുടെ ഭാഗത്തനിന്നുളള വിശദീകരണം.
അതേ സമയം കടുത്ത പ്രതിഷേധവുമായി കച്ചവടക്കാര് രംഗത്തെത്തി. മൂടിയിട്ടാല് എങ്ങനെ കച്ചവടം നടക്കുമെന്നാണ് വ്യാപാരികള് ചോദിക്കുന്നത്. കായംകുളത്തെ നവകേരള സദസ് നടക്കുന്ന വേദിക്ക് സമീപത്തെ ഹോട്ടലുകളിലും നിയന്ത്രണം ഏര്പ്പെടുത്തിയിട്ടുണ്ട്.
ഇവിടങ്ങളില് പാചക വാതകം ഉപയോഗിക്കാന് പാടില്ലെന്നാണ് നിര്ദേശം. ഇറച്ചിക്കടകള് മൂടിയിടാനുളള അധികൃതര് കച്ചവടം നടക്കില്ലെന്നും നിര്ദേശം പിന്വലിക്കണമെന്നുമാണ് വ്യാപാരികള് ആവശ്യപ്പെടുന്നത്.
