വരാനിരിക്കുന്ന ലോക്സഭാ തെരഞ്ഞെടുപ്പില് ബിജെപിയ്ക്ക് ശക്തമായ മത്സരം നല്കാനാണ് ഇന്ത്യാ സഖ്യം തയ്യാറെടുക്കുന്നത്. എന്നാല് ഇന്ത്യാ സഖ്യത്തിന് കടുത്ത പ്രതിസന്ധിയുണ്ടാക്കി ദയാനിധിമാരന്റെ ഒരു പഴയ വിവാദപ്രസ്താവനയുടെ വീഡിയോ ഇന്റര്നെറ്റില് പ്രചരിപ്പിച്ച് എതിരാളികള്.
ഇംഗ്ളീഷ് പഠിച്ചവര് ഐടി കമ്പനികളില് ജോലി ചെയ്ത് തടിച്ച ശമ്പളം വാങ്ങുന്നെന്നും ഹിന്ദി പഠിച്ചവര് തങ്ങളുടെ കക്കൂസ് കഴുകുന്നെന്നും നടത്തിയ പ്രസ്താവനയുടെ പഴയ ഒരു വീഡിയോയാണ് വൈറലാകുന്നത്. അതേസമയം വീഡിയോയ്ക്ക് ദയാനിധി മാരന്റെ പ്രായമുണ്ടെന്നാണ് എതിരാളികളുടെ നായീകരണം.
ഡിഎംകെ എംപി ദയാനിധി മാരന് ഹിന്ദി മാത്രം പഠിച്ചവരുടെ ജോലി സാധ്യതകളെ ഇംഗ്ലീഷ് അറിയുന്നവരുമായി താരതമ്യം ചെയ്യുന്നതാണ് വീഡിയോ. ഈ പശ്ചാത്തലത്തില്, ബീഹാറില് ഹിന്ദി മാത്രം പഠിക്കുന്നവര് തമിഴ്നാട്ടില് 'വീടുകള് പണിയുന്നു', 'വൃത്തിയുള്ള ടോയ്ലറ്റുകള്' എന്ന് അദ്ദേഹം പറയുന്നു.
'ഇവിടെയുള്ളവര് ഇംഗ്ലീഷ് പഠിച്ചത് കൊണ്ട് മാത്രം ഇന്ന് ഐടി കമ്പനികളില് തടിച്ച ശമ്പളം വാങ്ങുന്നു. ചിലര് ഹിന്ദി ഹിന്ദി എന്ന് പറയും. കെട്ടിടങ്ങള് പണിയുന്നത് ആരാണെന്ന് നിങ്ങള്ക്കറിയാം. ബീഹാറില് ഹിന്ദി മാത്രം പഠിക്കുന്നവര് തമിഴ്നാട്ടില് ഞങ്ങള്ക്ക് വീട് പണിയുന്നു. റോഡുകളും ടോയ്ലറ്റുകള് വൃത്തിയാക്കലും ചെയ്യും.'' മാരന് പറയുന്നത് വീഡിയോ ഇപ്പോള് വൈറലായിരിക്കുകയാണ്.
ഇത് ബിജെപി പ്രചരിപ്പിച്ച പഴയ വീഡിയോയാണെന്ന് ഡിഎംകെ വിമര്ശിക്കുന്നു. വെള്ളപ്പൊക്ക ദുരിതാശ്വാസ ഫണ്ട് ആവശ്യപ്പെട്ട് തമിഴ്നാട് സര്ക്കാരുമായുള്ള ഏറ്റുമുട്ടലിനിടെ ധനമന്ത്രി നിര്മല സീതാരാമന് നേരിടുന്ന തിരിച്ചടികളില് നിന്ന് ശ്രദ്ധ തിരിക്കാനാണ് ബിജെപി വീഡിയോ വീണ്ടും പ്രചരിപ്പിക്കുന്നതെന്ന് ഡിഎംകെ വൃത്തങ്ങള് ആരോപിക്കുന്നത്.
ദക്ഷിണേന്ത്യന് സംസ്ഥാനത്ത് ഹിന്ദി അടിച്ചേല്പ്പിക്കാനുള്ള ശ്രമങ്ങള്ക്കെതിരെ പ്രക്ഷോഭങ്ങളുടെ മുന്നിരയില് ഉള്ളവരാണ് ഡിഎംകെ. അതേസമയം, മാരന്റെ വീഡിയോ രാഷ്ട്രീയ വിവാദത്തിന് കാരണമായി, ബിഹാറിലെ ബിജെപിയുടെയും ഇന്ത്യന് സഖ്യകക്ഷിയായ രാഷ്ട്രീയ ജനതാദളിന്റെയും നേതാക്കളില് നിന്ന് ശക്തമായ വിമര്ശനം ഉയര്ന്നിരുന്നു. ബിഹാര് ഉപമുഖ്യമന്ത്രിയും ആര്ജെഡി നേതാവുമായ തേജസ്വി യാദവ് പ്രസ്താവനയെ ശക്തമായി അപലപിച്ച് രംഗത്ത് വന്നിരുന്നു.
ബിജെപി നേതാക്കളും വിമര്ശനവുമായി രംഗത്ത് വന്നിട്ടുണ്ട്. കോണ്ഗ്രസിന്റെയും ഡിഎംകെയുടെയും ഭാഷ രാജ്യത്തെ തകര്ക്കാനുള്ള ഭാഷയാണെന്നാണ് ഇവരുടെ ആരോപണം. നേരത്തേ സനാതന ധര്മ്മത്തെക്കുറിച്ച് ഉദയനിധി സ്റ്റാലിന്റെ പരാമര്ശം വലിയ വിവാദത്തിന് വഴിയൊരുക്കി. പിന്നാലെ ഇപ്പോള് അവര് തൊഴിലാളികളെ ലക്ഷ്യമിടുന്നു. ഇത് ദൗര്ഭാഗ്യകരമാണ്. അത്തരം പരാമര്ശങ്ങളില് നിന്ന് രാഹുല് ഗാന്ധി ആനന്ദം നേടുകയാണെന്നും ബിജെപി ആരോപിക്കുന്നു.
