ന്യൂഡല്ഹി/റാഞ്ചി: ഝാര്ഖണ്ഡില് അട്ടിമറി നീക്കം സംശയിച്ച് ഭരണപക്ഷ എം.എല്.എമാരെ െഹെദരാബാദിലേക്ക് മാറ്റാനുള്ള നീക്കം പാളി. െഹെദരാബാദിലേക്കു പോകാനായി ജെ.എം.എം-കോണ്ഗ്രസ്-ആര്.ജെ.ഡി എം.എല്.എമാര് വിമാനത്താവളത്തില് എത്തിയെങ്കിലും ഫലമുണ്ടായില്ല. മോശം കാലാവസ്ഥ ചൂണ്ടിക്കാട്ടി റാഞ്ചിയിലെ സിര്സ മുണ്ട വിമാനത്താവളത്തില്നിന്നുള്ള വിമാനങ്ങള് റദ്ദാക്കി.
ഇതോടെ വിമാനത്തില് കയറിയ എം.എല്.എമാര് തിരിച്ചിറങ്ങി. ജെ.എം.എം മുഖ്യമന്ത്രി സ്ഥാനത്തേക്ക് നിര്ദേശിച്ച ചംപയ് സോറനും എംഎല്എമാര്ക്കൊപ്പം വിമാനത്താവളത്തിലെത്തിയിരുന്നു. ഝാര്ഖണ്ഡ് ഗവര്ണര് സി.പി. രാധാകൃഷ്ണന് ചംപായ് സോറനെ സര്ക്കാര് രൂപീകരിക്കാന് ക്ഷണിക്കാതിരുന്നതോടെയാണ് എം.എല്.എമാരെ സംസ്ഥാനത്തിനു പുറത്തേക്കു കടത്താന് നീക്കം ആരംഭിച്ചത്. ചംപയ് സോറന് രാജ്ഭവനിലെത്തി ഭൂരിപക്ഷം തെളിയിക്കുന്ന വീഡിയോ ഗവര്ണര് സി.പി രാധാകൃഷ്ണന് െകെമാറിയിരുന്നു.
ഭൂരിപക്ഷം തെളിയിച്ചുള്ള കത്ത് െകെമാറിയിട്ടും സര്ക്കാര് രൂപീകരിക്കാന് അനുമതി നല്കിയില്ലെന്നാണ് ചംപയ് സോറന് പറയുന്നത്. എല്ലാ എം.എല്.എമാരും രാജ്ഭവനിലേക്ക് എത്തിയിരുന്നുവെങ്കിലും അകത്തേക്ക് കടക്കാന് അനുവദിച്ചില്ലെന്ന് ചംപയ് സോറന് പറഞ്ഞു. സംസ്ഥാനത്ത് രാഷ്ട്രപതി ഭരണം ഏര്പ്പെടുത്താനാണോ ഗവര്ണറുടെ നീക്കമെന്നും ആശങ്ക ഉയര്ന്നിരുന്നു.
അതിനിടെ, ജെ.എം.എം എം.എല്.എമാരെ ചാക്കിട്ടുപിടിക്കാന് ബി.ജെ.പി ശ്രമം നടത്തുന്നുവെന്ന അഭ്യൂഹം പടര്ന്നതോടെയാണ് ജെ.എം.എം-കോണ്ഗ്രസ് സഖ്യത്തിലെ എല്ലാ എം.എല്.എമാരെയും ചാര്ട്ടേര്ഡ് വിമാനങ്ങളിലായി െഹെദരാബാദിലേക്കു മാറ്റുന്നത്. ഹേമന്ദ് സോറന്റെ അസാന്നിധ്യത്തില് പാര്ട്ടിയെ ഒറ്റക്കെട്ടായി നിര്ത്തുക ജെ.എം.എം. നേതൃത്വത്തിന് എളുപ്പമല്ല. ജെ.എം.എമ്മിനെ അരിഞ്ഞുവീഴ്ത്താനുള്ള അവസരമായാണു ബി.ജെ.പി. ഇതിനെ കാണുന്നത്. ജെ.എം.എം, കോണ്ഗ്രസ്, ആര്.ജെ.ഡി. എന്നിവയുള്പ്പെട്ട ഭരണകക്ഷിക്ക് 47 എം.എല്.എമാരാണുള്ളത്; കേവല ഭൂരിപക്ഷത്തില് നിന്ന് 6 സീറ്റ് കൂടുതല്.
അതേസമയം, കള്ളപ്പണക്കേസില് ബുധനാഴ്ച രാത്രി ഇ.ഡി. അറസ്റ്റ് ചെയ്ത ഝാര്ഖണ്ഡ് മുന് മുഖ്യമന്ത്രിയും ജെ.എം.എം. നേതാവുമായ ഹേമന്ദ് സോറനെ ഒരു ദിവസത്തേക്കു ജുഡീഷ്യല് കസ്റ്റഡിയില് റിമാന്ഡ് ചെയ്തു. 10 ദിവസത്തെ കസ്റ്റഡിയില് വേണമെന്ന ഇ.ഡിയുടെ അപേക്ഷയില് റാഞ്ചി പ്രത്യക കോടതി ഇന്നു വിധി പറയും. അറസ്റ്റിനെതിരേ ഹേമന്ദ് സോറന്റെ ഹര്ജി ഇന്നു സുപ്രീം കോടയും പരിഗണിക്കുന്നുണ്ട്. 600 കോടി രൂപയുടെ ഭൂമി കുംഭകോണവുമായി ബന്ധപ്പെട്ട കള്ളപ്പണക്കേസിലാണ് ഹേമന്ദിനെ അറസ്റ്റ് ചെയ്തത്. ഇ.ഡി. അറസ്റ്റ് ചെയ്യുന്നതിനു മുമ്പായി ഹേമന്ദ് സോറന് ഝാര്ഖണ്ഡ് മുഖ്യമന്ത്രി സ്ഥാനം രാജിവച്ചിരുന്നു. ഇതോടെയാണ് പിന്നാക്കക്ഷേമ, ഗതാഗതമന്ത്രിയായ ചംപയ് സോറനെ പുതിയ മുഖ്യമന്ത്രിയായി നിര്ദേശിക്കാന് ജെ.എം.എം. തീരുമാനിച്ചത്.
