തിരുവനന്തപുരം: ''കഴകം'' നിയമനത്തിനായി തിരുവിതാംകൂര് ദേവസ്വം ബോര്ഡ് നടത്തിയ പരീക്ഷയില് വിചിത്രചോദ്യങ്ങളെന്നു പരാതി. ഉച്ചപൂജയ്ക്ക് ഇടക്കയില് വായിക്കുന്ന രാഗം ഏത്, കാറ്റുള്ളപ്പോള് തൂറ്റുക എന്നതിന്റെ ഇംഗ്ളീഷ് എന്ത് തുടങ്ങി കഴകം ജോലിയും ആയി ബന്ധമില്ലാത്ത ചോദ്യങ്ങളുടെ ഘോഷയാത്രതന്നെ ആയിരുന്നു ചോദ്യപേപ്പറില്.
അമ്പലത്തിനുള്ളിലും പുറത്തു ശീവേലി കല്ലുകളിലും ഉള്പ്പെടെ തളിയും വിളക്ക് ഒരുക്കലും ഉള്പ്പെടെയുള്ള ജോലികളാണു കഴകത്തിനുള്ളത്. എസ്.എസ്.എല്.സിക്ക് അപ്പുറമുള്ള വിദ്യാഭ്യാസ യോഗ്യതയും ബോര്ഡ് ചോദിച്ചിട്ടുമില്ല. പക്ഷേ കഴിഞ്ഞ ദിവസം നടത്തിയ പരീക്ഷയ്ക്കു ചോദിച്ചതു ബിരുദധാരികള്ക്കുപോലും പ്രയാസമുള്ള ചോദ്യങ്ങള്.
ഗണിതവുമായി ബന്ധപ്പെട്ട ചോദ്യങ്ങളും കടുകട്ടി. മിക്ക ഉദ്യോഗാര്ഥികള്ക്കും പരീക്ഷ പ്രയാസമായിരുന്നു. കഴകവുമായി ബന്ധപ്പെട്ട ചോദ്യങ്ങള് കുറച്ച്, ചോദ്യക്കടലാസ് തയാറാക്കിയവരുടെ കഴിവ് പ്രകടിപ്പിക്കുന്നതായിരുന്നു ചോദ്യങ്ങളെന്നു പരാതി. ഈ മാസം നാലിനു തിരുവനന്തപുരം ജില്ലയിലെ വിവിധ സ്കൂളുകളില്വെച്ചായിരുന്നു കഴകം, തളി തസ്തികയുടെ പരീക്ഷ നടന്നത്.
