ലക്നൗ: ചോദ്യപേപ്പര് ചോര്ച്ച ആരോപണത്തെ തുടര്ന്ന് ഉത്തര്പ്രദേശ് പോലീസ് കോണ്സ്റ്റബിള് പരീക്ഷ സര്ക്കാര് റദ്ദാക്കി. ആറ് മാസത്തിനുള്ളില് പുനഃപരീക്ഷ നടത്തുമെന്ന് മുഖ്യമന്ത്രി യോഗി ആദിത്യനാഥ് അറിയിച്ചു. ഉത്തര്പ്രദേശ് പോലീസ് റിക്രൂട്ട്മെന്റ് ആന്റ് പ്രൊമോഷന് ബോര്ഡ് ഈ മാസം 17, 18 തീയതികളില് നടത്തിയന്ന പരീക്ഷയുടെ ചോദ്യപേപ്പര് ചോര്ന്നുവെന്നായിരുന്നു പരാതി.
ചോദ്യപേപ്പര് ചോര്ച്ചയില് സര്ക്കാര് അന്വേഷണം പ്രഖ്യാപിച്ചിട്ടുണ്ട്. കുറ്റക്കാരെന്ന് കണ്ടെത്തുന്നവര്ക്കെതിരെ കര്ശന നടപടിയുണ്ടാകുമെന്നും മുഖ്യമന്ത്രി X ലൂടെ അറിയിച്ചു. പരീക്ഷകളുടെ പവിത്രത നിലനിര്ത്തുന്നതില് ഒരു വിട്ടുവീഴ്ചയുമില്ല. യുവാക്കളുടെ കഠിനാദ്ധ്വാനത്തോട് ഉദാസീനത കാണിച്ചവരോട് ഒരു വിട്ടുവീഴ്ചയുമുണ്ടാവില്ല. അത്തരക്കാര്ക്കെതിരെ കര്ശന നടപടിയുണ്ടാകുമെന്നും മുഖ്യമന്ത്രി കൂട്ടിച്ചേര്ത്തു.
ചോദ്യപേപ്പര് ചോര്ച്ച തടയാന് കഴിയാത്ത സര്ക്കാരിനെ വിമര്ശിച്ച് സമാജ്വാദി പാര്ട്ടിയും കോണ്ഗ്രസും നേരത്തെ രംഗത്തെത്തിയിരുന്നു.
Comments