റിയാദ്: വധശിക്ഷ നടപ്പാക്കുന്ന കാര്യത്തില് ലോകത്ത് വലിയ രീതിയില് വിമര്ശിക്കപ്പെടുന്ന രാജ്യങ്ങളില് ഒന്നായ സൗദി അറേബ്യയില് ചൊവ്വാഴ്ച ഏഴുപേരുടെ വധശിക്ഷ നടപ്പാക്കിയതായി റിപ്പോര്ട്ട്. ഈ വര്ഷം ഇതുവരെ 29 പേരുടെ വധശിക്ഷ നടപ്പാക്കിയ സൗദി തീവ്രവാദ പ്രവര്ത്തനം നടത്തിയെന്ന കുറ്റത്തിനാണ് ഏഴുപേരെ തൂക്കിലേറ്റിയത്. 2022 മാര്ച്ചിന് ശേഷം ഒരു ദിവസം ഏറ്റവും കൂടുതല് നടന്ന വധശിക്ഷയാണ് ഇത്.
വധശിക്ഷയ്ക്ക് ഇരയായവര് തീവ്രവാദ സംഘടനകള്ക്ക് സാമ്പത്തീകസഹായം നല്കിയെന്നാണ് ആരോപണമെന്ന് സൗദി ആഭ്യന്തരമന്ത്രാലയത്തെ ഉദ്ധരിച്ച് സൗദി മാധ്യമങ്ങള് പറയുന്നു. ഇതോടെ ഈ വര്ഷം വധശിക്ഷയ്ക്ക് ഇരയാക്കിയവരുടെ എണ്ണം 29 ആയി. 2022 ല് 81 പേരുടെ വധശിക്ഷ നടപ്പാക്കിയതായിരുന്നു സൗദിയില് ഒരുദിവസം രേഖപ്പെടുത്തിയ ഏറ്റവും വലിയ വധശിക്ഷ. 2023 ല് സൗദിയില് നടന്നത് 170 പേരുടെ വധശിക്ഷയായിരുന്നു. ചൊവ്വാഴ്ച വധശിക്ഷയ്ക്ക് വിധേയരായ ഏഴുപേരും ഏത് രാജ്യക്കാരാണെന്ന് വെളിപ്പെടുത്തിയിട്ടില്ല.
അതേസമയം അവരുടെ പേരുകള് സൂചിപ്പിക്കുന്നത് നാട്ടുകാരാണെന്നാണ്. 'രക്തച്ചൊരിച്ചിലിന് ആഹ്വാനം ചെയ്യുന്ന തീവ്രവാദ സമീപനം സ്വീകരിച്ചു, തീവ്രവാദ സംഘടനകളും സ്ഥാപനങ്ങളും സ്ഥാപിക്കുകയും ധനസഹായം നല്കുകയും ചെയ്യുക, സമൂഹത്തിന്റെ സുരക്ഷയും സുസ്ഥിരതയും തകര്ക്കുക എന്ന ലക്ഷ്യത്തോടെ അവരുമായി ആശയവിനിമയം നടത്തുകയും ഇടപഴകുകയും ചെയ്തു, ദേശീയ സുരക്ഷ അപകടത്തിലാക്കുക എന്നീ കുറ്റങ്ങളാണ് ഇവര്ക്കെതിരേ ശിക്ഷ വിധിക്കാന് കാരണമായ കുറ്റങ്ങളെന്ന് റിപ്പോര്ട്ട് പറയുന്നു.
